10.2 C
Pontevedra
Venres, 29 de Marzo de 2024
Máis
    HomeÉ NoticiaA Deputación volve a colaborar coa Asociación Alborada impulsando o programa "Verdear"

    A Deputación volve a colaborar coa Asociación Alborada impulsando o programa “Verdear”

    A Deputación de Pontevedra destina neste 2022 15.000 € para impulsar o programa de emprendemento educativo e social “Verdear” que a Asociación Cidadá de Loita contra a Droga Alborada desenvolve nas súas instalacións de Cabral en Vigo. Trátase dun espazo de emprendemento educativo, social e de continuidade terapéutica, no que están a participar unha trintena de persoas para superar condutas aditivas a través da agricultura e do medio ambiente como soporte de aprendizaxe.

     “Verdear” está a beneficiar a unha trintena de persoas da área de Vigo e de centros asistenciais de concellos como O Porriño, Redondela, Nigrán, Baiona ou Baixo Miño. Tamén realiza actividades de divulgación entre centros educativos, atendendo a grupos de entre 25-60 escolares por día. Está pensado para crear un espazo saudable que favoreza a continuidade dos procesos de tratamento das persoas con condutas aditivas e das súas familias, mellorando a súa calidade de vida a través da integración social activa.  Ten por finalidade impulsar actividades formativas, ocupacionais, terapéuticas, de lecer e emprendemento que faciliten o seu desenvolvemento, así como aumentar o coñecemento da natureza, o seu coidado e protección, e potenciar iniciativas de tempo de lecer. Así, abrangue cursos sobre agricultura ecolóxica, xardinería, mantemento da horta, transformación de produtos e, entre outras iniciativas, proxectos para impulsar a inserción laboral e o traballo autónomo.

    A Asociación Cidadá de Loita contra a Droga Alborada, creada en 1982, cumpre neste 2022 40 anos no acompañamento a pacientes con condutas aditivas. Ao longo destes anos ten creado un equipo de prevención que traballa nas escolas de Vigo, un centro de Día de adolescentes en conflito ou programas de atención ás novas dependencias, sen abandonar os traballos coas dependencias a todo tipo de sustancias.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.