18.3 C
Pontevedra
Martes, 16 de Agosto de 2022
Máis
    HomeÉ NoticiaA Deputación sorprende en FITUR coa campaña 'É o teu momento'

    A Deputación sorprende en FITUR coa campaña ‘É o teu momento’

    Carmela Silva eloxia o gran traballo do sector turístico para coidar o destino e chama a visitar Pontevedra Provincia: “Se queren coñecer un lugar que namora, veñan ás Rías Baixas“

    A chamada da Deputación de Pontevedra a viaxar ás Rías Baixas–Pontevedra Provincia emocionou esta mañá en FITUR 2021 ás e os asistentes ao lanzamento da campaña ‘É o teu momento’. A institución provincial sorprendeu cunha atractiva presentación na que estreou o vídeo oficial da campaña, protagonizado pola artista Wöyza, e na que tivo un especial protagonismo o sector turístico do destino, que demostrou unha gran fortaleza e responsabilidade en tempos moi difíciles.

    “O seu comportamento foi exemplar e fainos mirar cara o futuro de maneira moi optimista”, subliñou a presidenta Carmela Silva ante alcaldes e alcaldesas de toda a provincia, representantes do sector e xornalistas de medios e blogs especializados. Centos de persoas seguiron o acto por streaming a través da web e as redes sociais da Deputación.

    Nun ano con fortes restriccións en FITUR, a Deputación apostou decididamente polo audiovisual para compartir co público a beleza das Rías Baixas, a súa cultura, patrimonio, gastronomía e Camiños de Santiago. A xornalista Noa García encargouse de conducir a presentación, que xunto á estrea de “É o teu momento” incluíu a proxección doutros tres vídeos inéditos.

    Unha das pezas é un recoñecemento ao sector no que a presidenta, o xerente do Club Náutico de O Grove, Miguel de la Cierva, e a xerente de Alecrín Turismo de Natureza, Ana Vázquez, reflexionan sobre os atractivos das Rías Baixas e o presente e o futuro de turismo neste destino. O terceiro dos vídeos resume a campaña ‘momentos Rías Baixas’, na que máis de 2.400 persoas subiron xa ás redes sociais imaxes dos seus recordos especiais na provincia de Pontevedra. Por último, un vídeo coa peza musical ‘Libre’ de Wöyza coa Ría de Vigo como telón de fondo que puxo a guinda musical perfecta ao acto da Deputación.

    Un destino para os 365 días do ano

    A presidenta salientou que “É o teu momento” é unha campaña “que toca emocións e chega ao corazón”. “Fala dun lugar máxico, dun verdadeiro paraíso coidado por un sector do que temos que sentirnos moi orgullosas e orgullosos”, continuou, para amosarse convencida de que “o turismo vai crecer de forma exponencial na provincia, porque este é un gran destino”.

    Carmela Silva: “Queremos que as Rías Baixas–Pontevedra Provincia sexa unha segunda casa para descansar, recuperarse do traballo, conectar coa natureza e gozar coa compañía dos seres queridos”

    Carmela Silva reflexionou que a cultura e o patrimonio son fundamentais na oferta turística e convidou ao público a visitar as Rías Baixas–Pontevedra Provincia os 365 días do ano. “Se queren recuperar a felicidade despois dun tempo tan difícil, se queren desfrutar dun lugar que namora e non deixa a ninguén impasible, non poden deixar de regresar. Esperámosvos cos brazos abertos”, proclamou. Ademais, a presidenta destacou a participación na campaña de Wöyza, “muller potente, libre, que representa o mellor de todas e todos nós”.

    O vídeo oficial, coa presenza e a voz en off da artista, recolle extraordinarias imaxes da natureza da costa e o interior, a gastronomía e o patrimonio da provincia. “Non agardes máis, observa con calma, mira, atrapa e garda. Desfruta de todo o que os teus ollos queiran regalarte”, invoca Wöyza na emotiva peza, que resalta que agora é o momento de viaxar ás Rías Baixas.

    Pola súa banda na peza na que o sector turístico é protagonista, a presidenta e as voces convidadas repasan os dificilísimos 14 meses transcorridos desde o inicio da pandemia e reflexionan sobre os tesouros naturais do territorio, a cultura e o patrimonio, atractivos que van na liña do que agora demandan as viaxeiras e viaxeiros. “Queremos que as Rías Baixas–Pontevedra Provincia sexa unha segunda casa para descansar, recuperarse do traballo, conectar coa natureza e gozar coa compañía dos seres queridos”, resalta Carmela Silva no vídeo.

    Éxito de “#momentosRíasBaixas”

    O vídeo-resumo da campaña “#momentosRíasBaixas” achega pola súa parte fantásticas imaxes subidas ás redes polas persoas que participaron nos sorteos de estancias e actividades turísticas organizados pola Deputación nos últimos meses. A promoción, aínda en marcha, supera xa os 3,3 millóns de impresións e as 1,5 millóns de persoas alcanzadas. Na peza pódense ven fotografías da costa e o interior, turismo urbano, patrimonio, turismo activo, gastronomía, náutica, Camino de Santiago. Todas tomadas por protagonistas reais, persoas que xa viviron pequenos e grandes momentos nas Rías Baixas procedentes de todas partes do mundo.

    COLABORACIÓNS

    Ramón D. Veiga, «Zoom»

    En ocasións, a literatura xorde dun puro divertimento, dun simple xogo que alicerza a escrita e do que o autor ou autora se fai partícipe dende o inicio. Hai exemplos numerosos ao respecto, ás veces concibidos como simples exercicios de estilo, outras, como argalladas transgresoras coas que experimentar un xeito determinado de escribir. O que hoxe traemos a este espazo parece encaixar perfectamente nese prantexamento lúdico.

    ¡Galicia negra!

    En estos últimos días, mejor dicho ya semanas, estamos volviendo a la cruda realidad de ver a nuestra Galicia de nuevo ennegrecida por el humo y por los incendios. No es algo que nos pille de sorpresa, por desgracia ya es algo habitual desde hace muchos años aunque, este año, se ha adelantando en el tiempo, ya que lo que solía ocurrir principalmente a finales de verano, debido a la climatología de este año, ya está sucediendo en estos meses.

    Galicia

    Onte, 25 de xullo, celebrouse na nosa comunidade o día da patria galega, polo que esta publicación vai adicala a ela. Este día festéxase oficialmente dende 1979, ainda que a orixe desta celebración remóntase a 1919.

    Un tour por Marruecos

    He estado un poco desaparecida, pero aquí estoy de nuevo 🙂 En mayo viajé junto con cuatro amigas a Marruecos, hicimos una escapada durante el puente de las Letras Galegas. Fue breve, pero intensa. Nos dió tiempo a aprovechar muy bien esos cinco días y a conocer un trocito de ese país tan especial.

    Colaboradores

    Alberto Aliaga Sola
    20 POSTS0 COMMENTS
    Bea Sanfa
    14 POSTS0 COMMENTS
    Manrique Fernández
    67 POSTS0 COMMENTS
    Paz de la Peña
    40 POSTS0 COMMENTS
    Ricardo Canosa Bastos
    14 POSTS0 COMMENTS
    Roberto Mera
    4 POSTS0 COMMENTS
    Avatar
    1 POSTS0 COMMENTS