18.2 C
Pontevedra
Luns, 17 de Xuño de 2024
Máis
    HomeÉ NoticiaA Deputación revalida o seu compromiso coas persoas afectadas de Alzhéimer e...

    A Deputación revalida o seu compromiso coas persoas afectadas de Alzhéimer e as súas familias

    Ao abeiro do Día Mundial do Alzheimer, a Deputación de Pontevedra súmase este sábado ás accións que se desenvolven para dotar de visibilidade á enfermidade neurodexenerativa que, segundo datos da Federación Alzheimer Galicia (FAGAL), afecta a máis de 20.000 persoas tan só na provincia de Pontevedra e a un total de 70.500 en toda Galicia.

    Para a institución é fundamental sumarse a estas iniciativas que teñen por obxectivo concienciar á cidadanía, sensibilizar á sociedade sobre doenzas coma o Alzheimer e manifestar todo o seu apoio ás persoas que padecen a enfermidade e ás súas familias, posto que se trata dun mal que afecta de xeito significativo tamén ós achegados do doente.

    Deste xeito, segundo o informe ‘Impacto Social de la enfermedad de Alzheimer y otras demencias’, publicado en setembro de 2017, cada ano se detectan uns 750 novos casos na provincia, sendo a maioría deles de persoas que teñen máis de 60 anos.

    A Deputación mantén un total compromiso na loita contra as enfermidades neurodexenerativas en xeral e co Alzheimer de xeito específico desenvolvendo propostas que favorecen o envellecemento activo, como Depo en Marcha.

    Así mesmo, a institución provincial colabora con organizacións como a Asociación de Familiares de enfermos de Alzheimer y otras demencias de Pontevedra (AFAPO), co proxecto ‘Terapias no farmacológicas en pacientes con demencia’, ou coa Asociación de Familiares de Personas Enfermas de Alzheimer del Morrazo (AFAMO), para levar a cabo un proxecto de atención integral dedicado a xente que padece esta doenza.

    Con todo, o Alzheimer é a máis común das doenzas neurodexenerativas, representando un 70% de todos os casos. Ademais, a demencia afecta a 50 millóns de persoas no mundo, aínda que cada ano son rexistrados en torno a 10 millóns de novos casos. Galicia é unha das rexións máis afectadas polo Alzheimer de toda a Unión Europea por efecto do alto índice de avellentamento da súa poboación, feito que pode implicar unha elevación da súa incidencia posto que a idade é o maior factor de risco á hora de padecelo.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.