18.5 C
Pontevedra
Martes, 21 de Setembro de 2021
Máis
    HomeÉ NoticiaA Deputación promociona a música e tradición da provincia cunha edición especial...

    A Deputación promociona a música e tradición da provincia cunha edición especial de ‘Peixe’ de Xisco Feijóo que entragará como agasallo institucional

    Carmela Silva: “Que mellor que entregarlle o noso corazón, a nosa cultura e o que somos a quen nos visita, nun formato extraordinario, unha lata de conservas que reflexa a nosa tradición económica”

    A Deputación de Pontevedra promoverá a música e o canto tradicional da provincia de Pontevedra coa entrega como regalo institucional dunha edición especial do disco Peixe, o primeiro traballo en solitario do cantante, bailador e coreógrafo Xisco Feijoó. A presidenta Carmela Silva e o artista presentaron no Pazo Provincial o agasallo musical, que ten un orixinal formato moi vencellado á provincia de Pontevedra. “Que mellor que entregarlle a quen nos visita o noso corazón, a nosa cultura, o que somos , nun formato extraordinario, metido nunha lata de conservas, que é tamén a nosa tradición económica”, explicou a presidenta.

    Carmela Silva subliñou que “falar de Xisco Feijoó é falar da nosa cultura elevada á máxima calidade: é un dos grandes da música tradicional, e traballou cos e coas máis grandes”. A presidenta destacou que ao longo de toda a súa traxectoria o cantante e investigador do patrimonio oral e musical galego “percorreu aldeas recuperando as nosas tradicións para que non se perda o que somos e queremos seguir sendo”, e engadiu que “Peixe é un marabilloso traballo que a Deputación quixo ter como regalo institucional do 2021”. Neste sentido apuntou que “moita xente vai ter a Galicia na súa casa dentro dunha lata de conservas e coa mellor música” e xa anunciou que no encontro que manterán en setembro os presidentes e presidentas das Deputacións de toda España agasallaraos coa edición especial do disco.

    O traballo, lanzado en xullo, inclúe dez pezas entre temas tradicionais adaptados por Feijoó e composicións propias, ademais do videoclip da canción que da nome ao disco. “Hai música e vídeos marabillosos que impactan, moven e fante posicionarte. É a tradición traída ao século XXI con valores que Xisco defende, os principios que nos fan humanas e humanos con ese poder que ten a música de manter aquilo que nos fai únicas e únicos”, subliñou Carmela Silva.

    Homenaxe ás mulleres

    A máxima responsable provincial tamén recoñeceu a Xisco Feijoó pola homenaxe que rende ás mulleres no disco como grandes conservadoras da tradición oral e musical de Galicia. “Se a nosa tradición se mantén é grazas a que a transmitiron as nosas tataravoas, avoas e nais, e hoxe é a voz das mulleres a que mantén vivas esas tradicións. En Peixe está reflectido o que as mulleres somos”, eloxiou.

    Pola súa banda, o artista explicou que o disco “foi un esforzo e un soño que representou moitas vivencias e recordos durante moitísimos anos polas aldeas”. Feijoó explicou que o formato “representa esa lata na que todo é perdurable, a perdurabilidade das nosas tradicións e dun sistema económico que fixo levantar toda a nosa costa, que é tan noso, con tantas mulleres traballando nas conserveiras e tantas mans no salitre”. O cantante e bailador, que interpretou unha peza tradicional a capella durante a presentación do agasallo, declarouse “emocionado por que a Deputación teña escollido Peixe como regalo institucional”.

    Peixe, resultado do traballo de recuperación que fixo Feijoó durante máis de tres décadas, é un disco de música tradicional creado desde unha óptica contemporánea. O artista contou coa colaboración de integrantes de Tanxugueiras (Aida Tarrío), SonDeSeu (Alba Faro), e O Fiadeiro (Diego Calviño, Diego Cabaleiro e Iván Blanco). Tamén participa Rodrígo Romaní, fundador de Milladoiro, director da ETRAD e de SonDeSeu; Alasdair Fraser, compositor responsable entre outras da banda sonora O último mohicano e Piratas do Caribe; ou Natalie Haas, mestra de cello na Berkeley School of Music). Completan as colaboracións Úrsula Rial (ETRAD) e Pepe Vaamonde (Pepe Vaamonde Grupo).

    COLABORACIÓNS

    Saliente de guardia

    El volumen de la canción y un discreto codazo de mi mujer me devolvieron a la realidad. El homenajeado sonreía frente a las velas encendidas de la tarta y los invitados entonaban el 'cumpleaños feliz'. Yo tenía la mirada perdida pero, tras el aviso, me incorporé a las últimas notas y al aplauso final.

    Entrevista a Carlos García Vaso

    Escribir sobre Azul y Negro es un orgullo, ya no solo por ser parte de la historia de nuestra música (¿Quién no recuerda las melodías / himnos que hicieron para varias Vueltas Ciclistas a España?) sino por que nunca fueron de divos y siempre estuvieron cerca de sus fans. Acaban de publicar nuevo disco (el Covid los volvió a unir a la formación original) y por tal motivo charlamos con Carlos.

    ¡Indultos!

    Hace unas semanas fue la época de los indultos. Por un lado, se indultaron a los "díscolos catalanes" que quisieron "separarse de la madre patria" para ocultar las vergüenzas de tantos años de corrupción ya que, si no no se entiende. Ni historia ni, sobre todo los datos económicos, lo sostienen por ningún lado.

    Xesús Constenla, «O peso do cerebro»

    Xesús Constenla xa nos ten acostumados a unha narrativa arriscada e alonxada de tópicos, o que non deixa de ser un aliciente para calquera lector. Agora, con «O peso do cerebro», mantense firme nesta liña de traballo para adentrarse no confuso mundo de don Honorio, un vello afectado de demencia senil que un día, aproveitando un despiste da súa neta, Paula, sae da casa e vaga sen rumbo pola cidade de Barco (doadamente identificable co Ferrol natal do autor), un espazo que, coma o protagonista, coñeceu mellores tempos.

    Colaboradores

    Alberto Aliaga Sola
    12 POSTS0 COMMENTS
    Ángel Covelo
    6 POSTS0 COMMENTS
    Bea Sanfa
    4 POSTS0 COMMENTS
    Manrique Fernández
    44 POSTS0 COMMENTS
    Paz de la Peña
    34 POSTS0 COMMENTS
    Ricardo Canosa Bastos
    1 POSTS0 COMMENTS
    Roberto Mera
    2 POSTS0 COMMENTS