21.6 C
Pontevedra
Martes, 27 de Setembro de 2022
Máis
    HomeÉ NoticiaA Deputación presenta mañá o libro ‘Castelao. Plástica e pensamento 1903-1916’

    A Deputación presenta mañá o libro ‘Castelao. Plástica e pensamento 1903-1916’

    Será no Arquivo Provincial ás 19.30 horas ata completar cabida

    A Deputación de Pontevedra vai presentar mañá mércores 21 o libro ‘Castelao. Plástica e pensamento 1903-1916’ de Xesús Andrés López Piñeiro no Arquivo Provincial. Trátase dunha impresión institucional do ensaio de Editorial Galaxia que fala do percorrido artístico e político de Daniel Rodríguez Castelao nunha época concreta da súa vida, na que pasa do pensamento conservador ao nacionalismo.

    A presentación terá lugar no vestíbulo do Arquivo Provincial (Rúa Pai Amoedo) ás 19.30 horas con entrada libre ata completar cabida. Estarán presentes a deputada de Patrimonio Documental e Bibliográfico, Memoria e Lingua María Ortega, o director xeral de Galaxia Francisco Castro, o prologuista Xosé Manuel Pazo Blanco, e tamén o propio autor Xesús Andrés López Piñeiro. Repartiranse exemplares entre as persoas asistentes.

    Segundo explica o escritor, Castelao é un dos referentes de Galiza tanto no eido político como no literario, pero tamén na plástica, onde se converteu no “elo necesario” para conquistar o papel relevante que a xeración dos Novos tivo entre a arte europea, e foi dos poucos que soubo ver o papel do realismo na arte e que pelexou a contracorrente contra o costumismo. “Mais isto é preciso explicalo entrelazando a obra co seu pensamento”, sinala López Piñeiro.

    Para a Deputación o conxunto da obra de Castelao e todos os estudos que se fan sobre el son de importancia chave: como artista, ilustrador,  escenógrafo, pensador, ensaísta, autor de textos literarios, dramaturgo e político, Alfonso Daniel Rodríguez Castelao é a figura máis simbólica e representativa do século  XX en Galicia e deixou unha profunda pegada na sociedade galega “como ferramenta e vehículo de concienciación e afirmación da identidade diferencial de Galicia”, sinala a deputada María Ortega.

    COLABORACIÓNS

    Heterodoxos

    A editorial Galaxia vén de sacar do prelo unha nova colección que, baixo a denominación xenérica de «Heterodoxos», pretende darlle voz a autores ou obras que, polas súas peculiaridades, non teñen cabida dentro das coleccións habituais das editoriais.

    Teatro para nen@s

    Sempre fun dos que defenden a valía do teatro como asignatura en todos os niveis da educación. Polas súas evidentes compoñentes pedagóxicas e pola súa capacidade para aprender a expresarnos en público e a empatizar con outros, tan distintos de nós, merecería un espazo de honra no noso curriculo educativo. Por iso non quero deixar pasar o inicio do novo curso escolar sen facer un par de recomendacións de pezas teatrais dirixidas aos máis pequenos da casa.

    Ramón D. Veiga, «Zoom»

    En ocasións, a literatura xorde dun puro divertimento, dun simple xogo que alicerza a escrita e do que o autor ou autora se fai partícipe dende o inicio. Hai exemplos numerosos ao respecto, ás veces concibidos como simples exercicios de estilo, outras, como argalladas transgresoras coas que experimentar un xeito determinado de escribir. O que hoxe traemos a este espazo parece encaixar perfectamente nese prantexamento lúdico.

    ¡Galicia negra!

    En estos últimos días, mejor dicho ya semanas, estamos volviendo a la cruda realidad de ver a nuestra Galicia de nuevo ennegrecida por el humo y por los incendios. No es algo que nos pille de sorpresa, por desgracia ya es algo habitual desde hace muchos años aunque, este año, se ha adelantando en el tiempo, ya que lo que solía ocurrir principalmente a finales de verano, debido a la climatología de este año, ya está sucediendo en estos meses.

    Colaboradores

    Alberto Aliaga Sola
    20 POSTS0 COMMENTS
    Bea Sanfa
    14 POSTS0 COMMENTS
    Manrique Fernández
    69 POSTS0 COMMENTS
    Paz de la Peña
    40 POSTS0 COMMENTS
    Ricardo Canosa Bastos
    14 POSTS0 COMMENTS
    Roberto Mera
    4 POSTS0 COMMENTS
    Avatar
    1 POSTS0 COMMENTS