14.5 C
Pontevedra
Martes, 21 de Setembro de 2021
Máis
    HomeÉ NoticiaA Deputación, preparada para o remate da desescalada cara á atención ao...

    A Deputación, preparada para o remate da desescalada cara á atención ao público e á reorganización do traballo interno

    A institución provincial manterá a atención telemática e recupera a presencial aínda que con cita previa e novos protocolos de seguridade

    A Deputación de Pontevedra xa ten todo preparado, cara ao remate da desescalada, para a aplicación das novas normas de protección e seguridade e dos criterios de organización, tanto na atención ao público como para o funcionamento interno da institución provincial. A presidenta, Carmela Silva, asinará unha nova resolución presidencial que contemplará a nova normativa a implementar en todas as dependencias e organismos, da que xa se falou cos grupos políticos e cos sindicatos con representación na Deputación.

    A atención ao público, a parte máis visible na nova cultura organizativa da Deputación, vai cambiar sustancialmente a partir da Fase 2, prevista en principio para o día 25 de maio, coincidindo coa progresiva reincorporación do persoal ao traballo presencial. Continuará facéndose por vía telefónica ou telemática, pero tamén poderá ser presencial para as persoas que soliciten cita previa individual na sede electrónica.

    Haberá moitos cambios na fisonomía da Deputación a fin de atender ao máximo a seguridade. Así, a persoa que se achegue ao Pazo Provincial, ao Edificio Administrativo, ao Palacete das Mendoza, a sede central de ORAL ou a sede da Deputación en Vigo, se atopará con medidas moi exhaustivas para garantir a protección de todas e todos.

    No acceso se instalarán alfombras de desinfección para o calzado e fontes dispensadoras de hidroxel para as mans que se accionarán co pe. A persoa visitante pasará despois polo control de temperatura que, nun primeiro momento se fará con cámaras termógrafas e progresivamente con arcos de medición. Unha vez cumpridas estas medidas de protección, a persoa visitante disporá de atención personalizada para guiala ata a dependencia á que se dirixa. Para elo se utilizarán circuítos peonís independentes de entrada e saída, evitando sempre a formación de colas, e quedará prohibido permanecer nas zonas comúns de paso. O uso dos ascensores quedará restrinxido ás persoas con dificultades de mobilidade.

    Todas as estancias disporán de carteis con indicacións de carácter hixiénico e mantemento da distancia social, controlaranse os fluxos de movemento e haberá máscaras e luvas en tódolos servizos provinciais. Elementos como as mamparas, biombos e outros elementos separadores pasarán a formar parte dos espazos de atención ao público e os propios centros de traballo nos que sexa imposible gardar a distancia de 2 metros entre o persoal.

    Para a petición da cita previa no caso do Registro e da sede Central de ORAL, establécese un novo programa informático que ofrecerá tramos horarios para escoller o que máis conveña á persoa solicitante. En canto á documentación, deberá ser entregada en formato electrónico e, só no caso no que sexa imposible, admitirase en formato físico cun protocolo específico de hixiene das mans e da mesa onde se produza o intercambio.

    Outros organismos ou dependencias esenciais da Deputación de Pontevedra disporán de protocolos propios e específicos de protección, hixiene, desinfección e seguridade. É o caso do Centro Príncipe Felipe, do Museo-Sexto edificio e outras instalacións como os Castelos de Soutomaior e Sobroso

    Reorganización funcionamento interno

    En canto ao funcionamento interno da Deputación, a novidade máis importante será a progresiva reincorporación do persoal ao traballo presencial, tendo en conta que ata agora preto de 600 traballadoras/es están a desenvolver o seu labor de forma telemática. De feito, poñerase en marcha un modelo de reorganización do traballo en catro modalidades distintas, que van dende a presencial á telemática, pasando pola mixta e polo traballo principalmente en remoto, e que irá encaixando en función das necesidades de cada servizo, así como as características dos distintos colectivos laborais. Os/as traballadores/as con enfermidades graves, as embarazadas e os/as maiores de 60 anos con algunha patoloxía serán persoas vulnerables a efectos da organización laboral.

    Desde o inicio da Fase 2 a reincorporación na modalidade presencial será parcial, introducindo quendas de traballo con rotacións semanais para garantir que se respecten as distancias interpersoais. De feito, fíxose un completo estudo de avaliación de distancias e espazos. A fin de facer posible a distribución das quendas, ampliarase o horario de oficina ata o abano que vai das 7.00 ás 21.00 horas. Durante esta etapa traballarán presencialmente os traballadores/as con responsabilidade de xestión, encargados/as de atención ao público, persoal de oficios ou de arquivos, ademais daqueles que, polas características do espazo no que desempeñan as súas funcións, poidan facelo con seguridade. Na modalidade mixta estarán os demais. Xa para a Fase 3, prevista inicialmente para o 8 de xuño, a Deputación ten previsto que a modalidade de traballo para todo o cadro de persoal poda ser presencial, agás nos casos nos que non sexa posible respectar as medidas de precaución.

    As medidas de seguridade, protección, hixiene e desinfección serán extremas para garantir a saúde do persoal da Deputación de Pontevedra. A limpeza interior farase dúas veces na xornada. Ademais, queda establecido que os baños deben hixienizarse 6 veces ao día, e o aire de cada estancia deberá renovarse por completo en tempo máximo de 5 minutos. Finalmente, ordenarase a limpeza periódica dos filtros de aire. Para os casos de útiles ou equipos informáticos utilizados por varias persoas obrígase á súa desinfección entre quendas.

    As xuntanzas telemáticas internas pasarán a ser norma na Deputación e, para os casos nos que non sexa posible, determínase que as salas deberán quedar completamente recollidas e desinfectadas cando varíen os asistentes. As actividades formativas presenciais quedan prohibidas agás que resulten imprescindibles e, finalmente, limítase a dúas persoas a presencia en vehículos oficiais.

    En canto ás probas selectivas en marcha, queda fixado que cando finalice a suspensión dos prazos administrativos, deberán ser pospostas para evitar a concorrencia masiva de persoas e, en todo caso, deberán respectarse as normas de distancia de seguridade.

    COLABORACIÓNS

    Saliente de guardia

    El volumen de la canción y un discreto codazo de mi mujer me devolvieron a la realidad. El homenajeado sonreía frente a las velas encendidas de la tarta y los invitados entonaban el 'cumpleaños feliz'. Yo tenía la mirada perdida pero, tras el aviso, me incorporé a las últimas notas y al aplauso final.

    Entrevista a Carlos García Vaso

    Escribir sobre Azul y Negro es un orgullo, ya no solo por ser parte de la historia de nuestra música (¿Quién no recuerda las melodías / himnos que hicieron para varias Vueltas Ciclistas a España?) sino por que nunca fueron de divos y siempre estuvieron cerca de sus fans. Acaban de publicar nuevo disco (el Covid los volvió a unir a la formación original) y por tal motivo charlamos con Carlos.

    ¡Indultos!

    Hace unas semanas fue la época de los indultos. Por un lado, se indultaron a los "díscolos catalanes" que quisieron "separarse de la madre patria" para ocultar las vergüenzas de tantos años de corrupción ya que, si no no se entiende. Ni historia ni, sobre todo los datos económicos, lo sostienen por ningún lado.

    Xesús Constenla, «O peso do cerebro»

    Xesús Constenla xa nos ten acostumados a unha narrativa arriscada e alonxada de tópicos, o que non deixa de ser un aliciente para calquera lector. Agora, con «O peso do cerebro», mantense firme nesta liña de traballo para adentrarse no confuso mundo de don Honorio, un vello afectado de demencia senil que un día, aproveitando un despiste da súa neta, Paula, sae da casa e vaga sen rumbo pola cidade de Barco (doadamente identificable co Ferrol natal do autor), un espazo que, coma o protagonista, coñeceu mellores tempos.

    Colaboradores

    Alberto Aliaga Sola
    12 POSTS0 COMMENTS
    Ángel Covelo
    6 POSTS0 COMMENTS
    Bea Sanfa
    4 POSTS0 COMMENTS
    Manrique Fernández
    44 POSTS0 COMMENTS
    Paz de la Peña
    34 POSTS0 COMMENTS
    Ricardo Canosa Bastos
    1 POSTS0 COMMENTS
    Roberto Mera
    2 POSTS0 COMMENTS