14.5 C
Pontevedra
Martes, 19 de Marzo de 2024
Máis
    HomeÉ NoticiaA Deputación planifica o pago fraccionado dos tributos como nova medida de...

    A Deputación planifica o pago fraccionado dos tributos como nova medida de apoio á cidadanía e ás empresas

    Co obxectivo de seguir a axudar á veciñanza e ás pequenas e medianas empresas da provincia, ante as consecuencias económicas da crise xerada polo COVID19, a Deputación de Pontevedra planifica un novo servizo ao través do ORAL para facilitar o fraccionamento, sen xuros, do pago dos tributos. A medida, que suporía un novo respiro económico para a cidadanía e as pemes, está a ser avaliada técnica e xuridicamente para poder beneficiar ás veciñas, veciños e empresas daqueles concellos que teñan delegadas na Deputación as competencias do pago e recadación tributaria.

    Trátase, en definitiva, dun plan específico de pagos personalizados que posibilitaría o abono fraccionado en varios meses das cotas do IBI, o IAE, e o IVTM, unha vez se domicilien os abonos. A medida xa está a ser informada cos servizos xurídicos e económicos da Deputación, para despois ser levada á aprobación do próximo pleno provincial. Amais, ao través do ORAL, a institución provincial tamén prestará o seu asesoramento e colaboración aos concellos, na tramitación dos expedientes necesarios para a modificación das súas ordenanzas fiscais en relación coas medidas que, na súa potestade tributaria, decidan adoptar.

    Esta actuación de flexibilización sen xuros do pago das obrigas tributarias enmárcase na batería de medidas, postas en marcha pola Deputación de Pontevedra, como os anticipos aos concellos do Fondo Extraordinario de Liquidez, dotado con 21 millóns de euros. Cara á veciñanza reforzáronse os servizos de atención telefónica e telemática ao través da oficina virtual; prorrogouse o calendario fiscal e o período de pagamento voluntario; e ampliáronse os prazos para pagos, notificacións, requirimentos, audiencias e recursos.

    Chega tamén a Clave Segura

    Por outra banda, o goberno provincial aprobou a posta en marcha dun novo sistema de identificación para a realización de trámites tributarios urxentes e inaprazables, a través da Oficina Virtual Tributaria (https://ovt.depo.gal). Esta nova medida, baseada en “clave segura de usuario/a”, consiste nunha nova forma de autenticación para o acceso á oficina virtual e así realizar os trámites electrónicos no eido dos tributos locais.

    A obtención da “clave segura de usuario” se realizará mediante unha chamada telefónica ao número de atención usual do ORAL (886 211 400), na que levarase a cabo unha comprobación da identidade mediante unha serie de preguntas e respostas de control entre a Administración e a veciñanza. Durante a chamada para a obtención da “Clave”, a ou o xestor telefónico solicitará un enderezo de correo electrónico ao que enviará as instrucións para a activación da súa Clave directamente na oficina virtual tributaria electrónica, a través do trámite ‘Obter ou recuperar contrasinal´, unha vez que foi habilitado o sistema de identificación tras o rexistro telefónico previo.

    O sistema aprobado pode ser utilizado mentres dure o estado de alarma decretado no ámbito da crise do COVID-19. A presentación de solicitudes, escritos ou comunicacións utilizando este sistema de identificación xerará, por si mesma, un xustificante interno que acredita o depósito e recepción da documentación pola Administración Provincial. Unha vez dentro da Oficina Virtual, a persoa usuaria deberá achegar á vez e xunto coa presentación da propia solicitude, documentación acreditativa da súa identidade.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.