4.3 C
Pontevedra
Domingo, 4 de Decembro de 2022
Máis
    HomeÉ NoticiaA Deputación lanza nova imaxe para o proxecto 'A Maleta dos Océanos'

    A Deputación lanza nova imaxe para o proxecto ‘A Maleta dos Océanos’

    A iniciativa, que recompila recursos educativos abertos centrados no papel das mulleres na sustentabilidade do mar, está a espallar “valores imprescindibles” por 392 centros educativos da provincia

    A Deputación vén de lanzar nova imaxe para o proxecto ‘A maleta dos océanos’, a iniciativa que recompila recursos educativos abertos centrados no papel das mulleres na sustentabilidade do mar, que foi desenvolvida en colaboración co equipo da Universidade de Vigo que dirixe a profesora Mari Lires. “Seguimos adiante con este grande proxecto educativo”, explicou a presidenta Carmela Silva, que contará a partir de agora cunha maleta de madeira “máis durable” para continuar espallando “valores imprescindibles relacionados co papel que tiveron e teñen as mulleres do mar e tamén co uso responsable dos recursos mariños”.

    Ata o momento ‘A maleta dos océanos’ chegou xa a 392 centros de toda a provincia, dende centros de educación infantil e primaria, ata institutos, centros de formación profesional, centros integrados, centros de educación especial ou colexios rurais. Amais, a maleta tamén viaxou a eventos e actividades como a xornada que organiza a Universidade de Vigo sobre o “Bo uso e mal uso do mar”, “cunha excelente acollida entre as e os futuras/os profesionais da educación”, e divulgouse en vilas como Vilanova ou Redondela e en xornadas online nas que participaron centros educativos de diferentes lugares da provincia.

    A ‘Maleta dos Océanos’ trátase dun proxecto que inclúe seis propostas didácticas con temáticas diferentes e complementarias adaptadas a todas as etapas educativas e en liña cos Obxectivos de Desenvolvemento Sustentable da Axenda 2030. Conta como fío condutor a figura dunha nena investigadora chamada Emma, que guía e anima a rapazas e rapaces a afondar nos seis eixos temáticos da proposta: ‘Planeta azul’, para aprender sobre os océanos; ‘Océanos en perigo’, con información sobre a incidencia do cambio climático e a contaminación; ‘Mulleres redeiras, da salga e da conserva’; ‘O marisqueo a pe’, para aprender sobre as mulleres mariscadoras; ‘Investigadoras mariñas’ no que se recollen datos sobre pioneiras das ciencias mariñas e defensa dos océanos como Silvia Earle, Ángeles Alvariño, Aida Fernández Ríos, Elisabeht Mann ou Josefina Castellvi; e ‘Educación para a sustentabilidade’, onde se inclúen datos relativos ao desenvolvemento sustentable, termo acuñado nunha Comisión da ONU presidida pola doutora Grö Harlem Bruntland en 1987.

    COLABORACIÓNS

    Despilfarro

    Según la RAE, despilfarro significa "Gasto excesivo y superfluo" y la verdad, que no se me ocurre un término mejor para definir lo que está ocurriendo en muchos de nuestros ayuntamientos con tantas plazas a arreglar y tanto peatonolizar.

    Alba Guzmán Falcón, «Xoaniña de Deus»

    Alba Guzmán era, ata o de agora, unha autora practicamente descoñecida para o gran público, a pesar de contar no seu haber cunha morea de premios en certames de poesía e tamén de narrativa.

    Henrique Dacosta, «O estraño caso da bicicleta amarela»

    Henrique Dacosta vén de entregar ao prelo unha nova proposta narrativa. E digo “narrativa” e non digo ben, pois este volume, «O estraño caso da bicicleta amarela», leva o clarificador subtítulo de «Oito contos e unha traxicomedia» e tal é o contido da obra: oito relatos breves de extensión variable e unha pequena peza teatral, a primeira da que teñamos constancia e da que falaremos máis adiante.

    Xavier Queipo, «Algoritmos»

    «Algoritmos» é un libro sorprendente, algo que, vindo de Xavier Queipo, xa deixou de ser unha novidade. Non estamos a falar dunha novela, nin sequera dunha colección de contos, senón de algo diferente.

    Colaboradores

    Alberto Aliaga Sola
    20 POSTS0 COMMENTS
    Bea Sanfa
    14 POSTS0 COMMENTS
    Manrique Fernández
    73 POSTS0 COMMENTS
    Paz de la Peña
    40 POSTS0 COMMENTS
    Ricardo Canosa Bastos
    14 POSTS0 COMMENTS
    Roberto Mera
    5 POSTS0 COMMENTS
    Avatar
    1 POSTS0 COMMENTS