10.2 C
Pontevedra
Venres, 29 de Marzo de 2024
Máis
    HomeÉ NoticiaA Deputación lanza a sexta edición dos premios Sofía Novoa

    A Deputación lanza a sexta edición dos premios Sofía Novoa

    As solicitudes xa poden presentarse na sede da Deputación e o prazo de inscrición remata o 15 de outubro

    Os alumnos que realizaran Traballos Fin de Grao ou Fin de Máster que integren a perspectiva de xénero teñen ata o 15 de outubro para presentarse á sexta edición dos Premios Sofía Novoa, impulsados pola Deputación de Pontevedra, galardóns que teñen como obxectivo que, dende o coñecemento, a investigación e o análise, se incorporen os principios de igualdade nos traballos académicos para avanzar en beneficio do progreso e benestar do conxunto da sociedade.

    Ao igual que en edicións anteriores, este ano haberá un máximo de tres galardóns por categoría -dous premios e un accésit- que repartirán un total de 5.200 euros entre traballos realizados no curso pasado nos campus que a Universidade de Vigo ten na provincia. O alumnado interesado en participar na convocatoria deberá presentar as súas solicitudes a través da sede da Deputación (https://sede.depo.gal) e estas serán avaliadas de xeito anónimo por un xurado, que analizará aspectos como a calidade dos traballos, a relevancia e carácter innovador da súa temática e metodoloxía ou a aplicabilidade práctica das súas achegas.

    Con esta convocatoria a Deputación tamén recoñece a figura de Sofía Novoa, unha muller silenciada pola historia pero cun grande compromiso coa cultura, especialmente ligada ao mundo da música. Esta viguesa foi unha pedagoga que loitou para que as mulleres puideran ocupar os espazos públicos e tamén unha das artífices dun ambicioso e pioneiro programa educativo que posibilitou o acceso á educación superior de moitas mulleres.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.