12.1 C
Pontevedra
Luns, 30 de Xaneiro de 2023
Máis
    HomeÉ NoticiaA Deputación inicia en Pontevedra e Vigo os tres cursos de español...

    A Deputación inicia en Pontevedra e Vigo os tres cursos de español para persoas inmigrantes

    As 55 persoas participantes prepararán con estes cursos o exame DELE A2 que é a proba indispensable para que poidan solicitar a nacionalidade española

    A Deputación iniciou este luns os tres cursos de español dirixidos a persoas inmigrantes deste 2020, que se desenvolven en Pontevedra e Vigo. Esta actividade formativa, que este ano chega a súa cuarta edición, vai encamiñada a que os e as participantes poidan superar posteriormente o exame DELE A2 expedido polo Instituto Cervantes, unha proba que é requisito indispensable para que poidan solicitar a nacionalidade española. Un dos cursos ten lugar en Pontevedra, no Centro Príncipe Felipe, onde esta mañá a deputada Olga García deu a benvida ás e aos participantes, e os outros dous na sede da institución provincial en Vigo, onde estivo hoxe a deputada Ana Laura Iglesias.

    A pandemia da Covid-19 obrigou a pospoñer o calendario destes tres cursos, que agora se retoman cun estrito protocolo pola pandemia da Covid-19. Deste xeito, as sesións que antes se celebraban no Edificio Administrativo trasladáronse ao Centro Príncipe Felipe para facilitar a ratio de 20 alumnos e alumnas por clase seguindo a normativa sobre distancia de seguridade. Amais, é obrigatorio o uso de máscaras durante as clases e as persoas participantes teñen a súa disposición material de hixiene para garantir a seguridade sanitaria.

    Os tres cursos teñen 40 horas de duración. No caso dos de Vigo, un terá lugar en horario de mañá e outro pola tarde, mentres que no de Pontevedra as sesións serán pola mañá. Este ano ofertáronse 55 prazas (20 no curso de Pontevedra e 20 e 15 nos dous de Vigo) e a demanda desta actividade queda reflectida no feito de que houbo máis de 130 solicitudes de participación, a maioría de cidadáns de Marrocos, seguidos dos e das de Brasil e Senegal. Tamén se rexistraron peticións de persoas de Ghana, Nixeria, Costa de Marfil, Alxeria, Rusia, Moldavia, Mauritania, Ucraína, Bulgaria e Quenia.

    Cursos de español para persoas inmigrantes na sede da Deputación de Pontevedra en Vigo

    Os cursos, que están impartidos por persoal docente do Centro de Linguas da Fundación Universidade de Vigo, están dirixidos a persoas inmigrantes en situación administrativa regular, maiores de 16 anos, que precisen superar o DELE A2 para a obtención da nacionalidade española. Con esta actividade, a Deputación de Pontevedra tenta facilitar ás persoas de países non hispanofalantes a consecución deste título e, por conseguinte, apoiar a súa integración na provincia como cidadanía de pleno dereito.

    Trátase dunha proba que require unha preparación previa e ten un custo económico que dificultan o acceso á nacionalidade española para un determinado sector da poboación e, polo tanto, favorecen procesos de exclusión social. Con esta iniciativa, a institución provincial subvenciona o custo da formación e tamén o da matrícula no DELE A2. Nas tres edicións anteriores, estas actividades tiveron un total de 180 participantes.

    De seguir o calendario agora previsto, o alumnado poderá despois de finalizar estes cursos examinarse da proba DELE A2 o 14 de novembro no Instituto Cervantes de Vigo, salvo que a situación derivada da Covid-19 faga necesario a modificación desta data.

    No pasado 2019, o 87,8 % do alumnado que realizou estes cursos de español aprobou o exame do DELE A2, un dato que a Deputación considera moi positivo, sobre todo ao ter en conta que as persoas que se presentan a estas actividades teñen que compatibilizar a formación e os estudos co seu traballo ou as súas cargas familiares, para as que non teñen apoio.

    COLABORACIÓNS

    María Solar, «A culpa»

    A metade de camiño entre a novela negra e o thriller, María Solar vén de presentar un novo traballo para adultos no que pescuda nas interioridades da parte máis escura da alma humana a través dun trío de mulleres, protagonistas do relato.

    Antón Riveiro Coello, «Días de intemperie»

    A nova achega de Antón Riveiro Coello, «Días de imtemperie», é unha proposta que contén nove relatos de temática e transfondo diferentes, mais que teñen un elemento en común, como é a guerra no sentido máis amplo da palabra.

    Árbol de Navidad relleno de chocolate

    Aunque estas fechas tienen sus dulces típicos, no a todo el mundo le gustan los turrones, polvorones y demás. Lo que casi con seguridad gusta a todo el mundo (y sobre todo a los peques) es el chocolate y este postre une la Navidad y el chocolate de una forma muy muy sencilla.

    Isabel Blanco, «Bambú»

    Xa comentamos nalgunha ocasión neste mesmo espazo que os límites entre xéneros literarios estanse a difuminar de maneira progresiva e que os autores e autoras contemporános pescudan sen apuro nese terreo bretemoso que son as lindes entre narrativa, teatro e poesía.

    Colaboradores

    Alberto Aliaga Sola
    20 POSTS0 COMMENTS
    Bea Sanfa
    14 POSTS0 COMMENTS
    Manrique Fernández
    77 POSTS0 COMMENTS
    Paz de la Peña
    41 POSTS0 COMMENTS
    Ricardo Canosa Bastos
    14 POSTS0 COMMENTS
    Roberto Mera
    5 POSTS0 COMMENTS
    Avatar
    1 POSTS0 COMMENTS