18.3 C
Pontevedra
Martes, 16 de Agosto de 2022
Máis
    HomeÉ NoticiaA Deputación defenderá a transferencia da AP-9 a Galicia e as medidas...

    A Deputación defenderá a transferencia da AP-9 a Galicia e as medidas para rebaixar as peaxes

    Cualifica de "exercicio de hipocresía" que o PP pida agora solucións ao Goberno en funcións "despois de 7 anos no Goberno e ter prolongado a concesión 25 anos con Aznar de presidente"

    A Deputación de Pontevedra defenderá a transferencia da AP-9 a Galicia, de acordo coa resolución reiteradamente aprobada polo Parlamento galego e bloqueada con obstinación polo Goberno de Mariano Rajoy durante o ano 2018. O anuncio foi realizado no marco do debate plenario dunha moción presentada polo grupo provincial do PP sobre as peaxes.

    O voceiro do grupo socialista, Carlos Font afeoulle á bancada do PP a súa actitude “porque non imos admitir que o Partido Popular, o responsable da situación da AP-9, actúe con hipocrisía, cinismo e desfachatez”. A situación da AP-9, lembrou, débese á ampliación da concesión por 25 anos, aprobada no ano 2000 con Aznar de presidente e con Fraga na presidencia da Xunta de Galicia, e ao acordo con Audasa de 2011, pero tamén ao de 2013 do Partido Popular “e, sobre todo, á inacción da ministra Ana Pastor e do ministro Íñigo de la Serna, que nunca fixeron nada para evitar esta situación realmente discriminatoria”. Concluíu que o balanzo ao respecto da AP-9 dos 7 anos de Goberno do PP é dun baleiro absoluto, “e agora esixen solucións a un Goberno en funcións; non se pode ter máis cara dura política”. Amais, o voceiro socialista compartiu a esixencia que o deputado do BNG, Uxío Benítez, fixo ao PP para que dea explicacións públicas da suposta necesidade de tratar este asunto nun pleno extraordinario, “que lle costa miles de euros á cidadanía”, cando podería habelo feito na sesión ordinaria. “É unha auténtica vergoña”.

    Font considerou “imprescindible” a toma de decisións para a rebaixa das peaxes, cara a impedir os incrementos de tarifas extraordinarios, “e para ter en conta aquelas situacións extraordinarias onde a única vía real de comunicación sexa a autopista”. Non obstante, tamén destacou a necesidade de que se debata, en sintonía cos compromisos do Goberno en funcións, a transferencia da infraestrutura a Galicia, “tal e como se acordou por unanimidade no Parlamento galego, cousa que vostedes esquecen na súa moción”, dixo en referencia ao grupo popular.

    Diante desta situación concluíu que a Deputación de Pontevedra “defenderá alá onde haxa que defender, solucións a unha situación de custos para a veciñanza que non é asumible”. Agora ben, “non permitimos que o PP lle tome o pelo á Corporación provincial e á cidadanía con mocións como esta porque a coherencia na defensa dos intereses xerais, por enriba da demagoxia e o arribismo en función da coxuntura, é un patrimonio político irrenunciable”.

    COLABORACIÓNS

    Ramón D. Veiga, «Zoom»

    En ocasións, a literatura xorde dun puro divertimento, dun simple xogo que alicerza a escrita e do que o autor ou autora se fai partícipe dende o inicio. Hai exemplos numerosos ao respecto, ás veces concibidos como simples exercicios de estilo, outras, como argalladas transgresoras coas que experimentar un xeito determinado de escribir. O que hoxe traemos a este espazo parece encaixar perfectamente nese prantexamento lúdico.

    ¡Galicia negra!

    En estos últimos días, mejor dicho ya semanas, estamos volviendo a la cruda realidad de ver a nuestra Galicia de nuevo ennegrecida por el humo y por los incendios. No es algo que nos pille de sorpresa, por desgracia ya es algo habitual desde hace muchos años aunque, este año, se ha adelantando en el tiempo, ya que lo que solía ocurrir principalmente a finales de verano, debido a la climatología de este año, ya está sucediendo en estos meses.

    Galicia

    Onte, 25 de xullo, celebrouse na nosa comunidade o día da patria galega, polo que esta publicación vai adicala a ela. Este día festéxase oficialmente dende 1979, ainda que a orixe desta celebración remóntase a 1919.

    Un tour por Marruecos

    He estado un poco desaparecida, pero aquí estoy de nuevo 🙂 En mayo viajé junto con cuatro amigas a Marruecos, hicimos una escapada durante el puente de las Letras Galegas. Fue breve, pero intensa. Nos dió tiempo a aprovechar muy bien esos cinco días y a conocer un trocito de ese país tan especial.

    Colaboradores

    Alberto Aliaga Sola
    20 POSTS0 COMMENTS
    Bea Sanfa
    14 POSTS0 COMMENTS
    Manrique Fernández
    67 POSTS0 COMMENTS
    Paz de la Peña
    40 POSTS0 COMMENTS
    Ricardo Canosa Bastos
    14 POSTS0 COMMENTS
    Roberto Mera
    4 POSTS0 COMMENTS
    Avatar
    1 POSTS0 COMMENTS