21.5 C
Pontevedra
Venres, 19 de Abril de 2024
Máis
    HomeÉ NoticiaA Deputación de Pontevedra licita a contratación do seu II Plan de...

    A Deputación de Pontevedra licita a contratación do seu II Plan de Igualdade

    A Xunta de Goberno da Deputación de Pontevedra ven de aprobar, cun orzamento base de licitación de 65.403 €, o procedemento para licitar a contratación dunha empresa especializada en xestión de RRHH dende a perspectiva de xénero para definir e elaborar o documento definitivo do II Plan de Igualdade da institución no que se traballa para ser aprobado antes de que remate este ano 2021.

    A empresa que resulte adxudicataria se ocupará de identificar as medidas prioritarias a incluír neste II Plan, que terá unha vixencia de 4 anos, e que se realiza ao abeiro dos resultados da avaliación do I Plan de Igualdade, que foi pioneiro ao ser o primeiro dunha administración pública en ser elaborado cunha auditoría laboral de xénero e cunha análise exhaustiva da área salarial do persoal baixo a perspectiva de xénero. De feito, o primeiro Plan incorporaba xa as medidas do pacto de estado en materia laboral e as que o Senado recolle contra as violencias machistas, co que se implementaron un importante numero de medidas para garantir a igualdade laboral na administración provincial.

    O proceso de elaboración do II Plan de Igualdade, conta cun traballo de avaliación no marco da comisión paritaria de seguimento, órgano integrado por representantes sindicais e persoal de Deputación, que se ten reunido xa en 5 ocasións para estudiar o grado de implementación das medidas do I Plan. A ultima reunión mantida foi o pasado 23 de Xullo, para facer xa a avaliación final coa redacción dun informe de conclusións que se fará público en breve

    É precisamente esta análise final a que permitirá enfocar axeitadamente o deseño do II Plan de Igualdade, que volverá a abarcar a todo o persoal da Deputación, o persoal funcionario, laboral e bolseiros/as. O Plan tamén incorporará as novidades introducidas despois do RD lei 6/2019 de medidas urxentes para garantía da igualdade de trato e de oportunidades entre mulleres e homes no emprego e a ocupación, que é posterior a aprobación do I plan. Como no primeiro, tamén incluirá todas as recomendacións internacionais, a lexislación estatal e galega e mesmo, ampliará o concepto de discriminación en liña cos obxectivos do convenio de Estambul. Igualmente, integrará todas as medidas do pacto de estado en materia laboral e as que o Senado recolle contra as violencias machista. Ademais tamén terá na súa carteira de traballo o seguimento e avaliación do grado de consecución da cada unha das medidas recollidas no mesmo de xeito anual ata o remate da súa vixencia no ano 2025.

    A empresa que resulte adxudicataria prestará asistencia técnica para a elaboración do documento definitivo que, de novo, avaliará todas as medidas negociadas a través dunha nova comisión negociadora o que permitirá que a súa aprobación se produza sempre da man das representacións sindicais.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.