8.5 C
Pontevedra
Venres, 29 de Marzo de 2024
Máis
    HomeVal MiñorNigránRedondela presentou o programa de actividades para o 8M

    Redondela presentou o programa de actividades para o 8M

    O Concello de Redondela presentou na mañá de hoxe a programación que desenvolverá con motivo do Día Internacional da Muller, que se celebra o vindeiro 8 de marzo e que foi presentada polo alcalde de Redondela, Javier Bas; a Concelleira de Cultura, Teresa París e o concelleiro de Deportes, Julio Mougán e Noite Fernández, do Club de Atletismo de Redondela (CAR).

    A actividade central da programación é unha carreira popular que terá lugar o domingo día 10 de marzo. Trátase dun percorrido urbano de 3 km que non ten clasificación nin cronometraxe, e na que poderán participar até 300 persoas, por orde de inscripción.

    Os participantes darán dúas voltas ao circuito urbano, en Redondela. Poderanse anotar nesta ligazón.

    O Concello tamén ten preparadas outras actividades por este día tan sinalado, desde campañas educativas nos centros escolares, presentación ou actos institucionais en conmemoración desta data.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.