Hai pasos e pasos. O dado polo xogador –ex xogador xa– do C.B. Nigrán, Víctor Villadóndiga e máis que un paso, todo un salto cara a diante. De Nigrán a Santiago para formar parte do Obradoiro da ACB para a tempada 2019/2020, equipo que foi xa presentado ante a prensa e realizou a primeira foto de familia do novo plantel de Moncho Fernández.
Víctor e froito desa extraordinaria iniciativa que hai uns anos iniciaba a súa andaina tímidamente ata converterse nun auténtido fenómeno deportivo: as escolas deportivas do C.B. Nigrán. Na de Gondomar, para ser máis precisos, iniciaba o Villadóniga a súa vida como xogador de basquet daquela, como todos e todas os que participan, por diversión e facer deporte en pensar nun futuro deportivo.
Víctor pasaría, posteriormente en Nigrán na categoría alevín baixo a dirección dunha auténtica creadora de xogadores (é de persoas) como é Nuria Gómez. Hai cinco anos, momento en que Nuria pasaba a formar parte do proxecto deportivo do C.B. Nigrán, Víctor Villadóniga dicidía marchar con ela forman parte, dende entón, do cadro Junior do equipo de Nigrán co número 8 ás costas.
E logo, pois o que acontece nestes casos. O que é bo, é bo e punto. Hai tres anos, na celebración da clausura da liga Basketgal no Pavillón Municipal de Panxón, Pepe Casal fixouse e interesouse no xogador de Nigrán e, xa no propio pavillón, mantivo unha primeira conversa coa directora deportiva do Club, Nuria Gómez e a nai e o pai do xogador para propoñerlles a asistencia de Víctor “a un adestramento de proba co Obradoiro”.
Así que Víctor facía as maletas e viaxaba a Santiago, ao colexio Peleteiro, onde deixaba “moi boas sensacións nos adestramentos programados”.
Este bo traballo tivo o seu froito e o daquela Obradoiro Peleteiro dáballe unha beca para xogar en Santiago no seu equipo junior alternando os adestramentos co equipo Senior de canteira, o Obradoiro Silleda, co que conseguía o ascenso á EBA.
Esta nova promesa foi, ademáis, un dos premiados como mellor deportista na disciplina de baloncesto nas últimas galas do Deporte de Nigrán e Gondomar.
O Club Baloncesto Nigrán asegurou sentirse «enormemente satisfeito e emocionado de que Víctor siga a colleitar éxitos” porque, engaden, “amais de tratarse dun xogador cunhas excelentes aptitudes para este deporte, é noble e moi bo compañeiro”. Estas dúas últimas cualidades, como dixemos un día, forman parte dos valores que dende o principio se lles inculca aos nenos e nenas do C.B. Nigrán. O deporte, sen nobleza, compañeirismo e solidariedade, non é deporte e iso o saben perfectamente Nuria Gómez e todo o C.B. Nigrán.
O traballo ben feito,
