10.8 C
Pontevedra
Martes, 19 de Marzo de 2024
Máis
    HomeVal MiñorNigránO espazo Dunas de Gaifar de Nigrán, escenario do concerto de Gustavo...

    O espazo Dunas de Gaifar de Nigrán, escenario do concerto de Gustavo Almeida o sábado 11 de xullo

    O cantante de orixe brasileira presenta o seu cuarto traballo ‘Vértice’ en formato cuarteto. A entrada é de balde ata completar o aforo permitido nas actuais circunstancias sanitarias

    O Concello de Nigrán, dentro da súa programación especial de verán, ofrece este sábado 11 de xullo ás 22:30 no espazo deportivo Dunas de Gaifar (Panxón) o concerto do artista e ex-futbolista Gustavo Almeida presentando o seu último disco ‘Vértice’. A entrada será de balde pero con aforo limitado atendendo ás medidas de seguridade sanitarias actuais. O día anterior, venres 10, terá lugar nesta mesma localización a primeira edición de Sona Gaifar coma un novo evento que propón unha selección de artistas destacados de toda Galicia, entre nomes emerxentes e outros máis consagrados: DJ’s, actuacións en vivo e, como non, tamén con foco en artistas locais de Nigrán.

    Despois de virar en 2019 coa súa banda por teatros e auditorios de toda Galicia e outras cidades de España, Gustavo Almeida presenta o seu cuarto traballo de estudo en formato cuarteto, acompañado, ademáis de pola súa guitarra, por Julio González na batería, Ricardo Ferreira no baixo e José Churruca na guitarra. Como todos os eventos dos Concello de Nigrán, será un concerto inclusivo onde as persoas xordas poderán sentir a música coas súas mochilas vibratorias (solicitude con 48 horas de antelación en info@entresignos.com).

    Gustavo Almeida é un artista de orixe brasileira con quince anos de estrada, unha calidade impecable no seu traballo, como se pode comprobar nolos seus catro discos lanzados (este último producido por un dos mellores produtores deste país, o valenciano Nacho Mañó) e cun directo potente, próximo e versátil en xénero e lingua onde se atopan o pop máis sofisticado, o funk e a música de autor de Brasil. O cantante ten compartido escenario con Vanesa Martin, Efecto Pasillo, Bombai o India Martínez.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.