A Casa do Concello de Nigrán iluminarase esta noite e a vindeira de azul con motivo da celebración do Día Mundial da Diabetes o 14 de novembro. Ademais, unha lona conmemorativa luce nun dos balcóns do Concello.
O municipio se suma así á campaña que en Galicia promove Anedia, Asociación de Nenos con Diabete de Galicia. Esta consiste en tinguir de azul os puntos máis representativos de cada vila co obxectivo de facer visible esta enfermidade e solidarizarse cos enfermos.
‘Protexe a túa familia’ é o lema deste ano, sendo o principal obxectivo da campaña aumentar a concienciación sobre o impacto que a diabetes ten sobre a familia e promover o papel da familia na xestión, a atención, a prevención e a educación.
