O Concello de Nigrán abre o mércores e xoves 12 e 13 de xullo o prazo de inscrición para participar na festa do ‘Día dos Avós’ o 26 de Xullo en Camos (pavillón de Os Barreiros). Está dirixida a persoas da terceira idade empadroadas en Nigrán e as interesadas deben apuntarse telefoneando ao 986 365 000 de 10:00 h a 13:00 horas nos mencionados días, sendo o límite de aforo 80 persoas.
A xornada comezará ás 13:00 horas cun photocall profesional de agasallo, sendo a partir das 14:00 horas o almorzo a base de empanada de atún, xamón asado, rosca, viño e auga e café (necesario que cada comensal leve os seus propios cubertos). A continuación, ás 16:00 horas, haberá unha actuación do dúo musical ‘La Mecánica’. O obxectivo é vivir unha xornada festiva nun ambiente familiar e distendido. Cada ano o Concello celebra esta festividade que se fixo coincidir co día de San Xoaquín e Santa Ana.
