14.7 C
Pontevedra
Domingo, 5 de Febreiro de 2023
Máis
    HomeVal MiñorNigránDende o xoves, A Ramallosa acolle o Festival da Cervexa Artesana con...

    Dende o xoves, A Ramallosa acolle o Festival da Cervexa Artesana con preto de 70 tipos diferentes á venda

    Dende o xoves, A Ramallosa acolle o Festival da Cervexa Artesana con preto de 70 tipos diferentes á venda

    As principais marcas de cervexa artesana de Galicia, unidas a dúas de Madrid e outra do Bierzo, volven a protagonizar desde este xoves 12 de agosto ata o domingo 15 na Alameda de A Ramallosa a quinta edición do ‘Val Miñor Fest’, o primeiro festival de toda a comarca adicado á súa degustación e na que estará presente a cervexa creada o ano pasado pola empresa local Trisk-Ale baixo o nome ‘Nigrán, equilibrio natural’ (como novidade, esta marca local presenta unha cervexa IPA sen glute).

    Novamente, este evento organizado por Concello, Asociación Galega de Cervexeiros Artesáns e Trisk-Ale será en formato reducido por cuestións de seguridade sanitaria, con aforo limitado e rexistro de asistentes, desinfección de mans e mesas mantendo distancias, recordando a organización a obrigatoriedade de empregar máscara sempre que non se estea a consumir.

    Unha vez máis será unha feira pensada para un público familiar, contando con sete foodtrucks con diferentes propostas culinarias para acompañar a cervexa, unha ducia de xogos populares de madeira para a infancia e concertos protagonizados por grupos con fonda raigame na comarca todos os días ás 21:30 horas agás o sábado ás 22:30 h. Así, Blue Monk será a banda encargada de abrir o xoves 12 o festival, seguindo o venres con Three Roosters, sábado Pacheco Bros e domingo 15 Losto Kinsky.

    “O sector da cervexa artesana sufríu especialmente os sucesivos peches da hostalaría, moitas firmas tiveron que pechar, así que desde o Concello non dubidamos en manter este festival como xeito de apoio nun momento especialmente duro para eles. Ademais, será novamente unha ocasión para promover aos músicos da comarca nun momento tamén complicado para este sector cultural”, explica o o alcalde, Juan González, quen subliña a presenza novamente no festival da cervexa promocional ‘Nigrán, Equilibrio Natural’.

    Así, as firmas de cervexa artesá que estarán presentes son Trisk-Ale de Nigrán, Atlántica, Nos e Irmaos da Lei de Vigo, The One Beer de Sanxenxo, Bubela de Lugo, Castreña do Bierzo, Go e San Nicasio de Madrid. “Tódalas marcas terán prezos máis baratos que o habitual e haberá para tódolos gustos: cervexa rubia tradicional, suaves ou de máis gradación…”, explica Esteban Loureiro, portavoz da asociación, quen incide en que o obxectivo “é promover o consumo deste producto artesá nuns intres moi difíciles para o sector por mor da crise sanitaria, polo que máis que nunca precisamos do apoio dos nosos consumidores habituais”.

    COLABORACIÓNS

    Antía Otero, «Barroco»

    É posible que todo viñese suxerido polo título do novo poemario de Antía Otero, «Barroco», pero ao mergullarme nas súas páxinas vivín a sensación de pasear por unha galería de arte na que cada un dos poemas era, en realidade, un cadro ou unha peza escultórica que a autora describía con detalle.

    Ponteareas e a filla pródiga: o novo espectáculo do Circo da Dereita

    Aínda que o pareza, non é un déjà vu, non. É real como a vida mesma. A dereita en Ponteareas regresa ao seu pasado, non sabemos se por convicción nostálxica ou, como parece máis evidente, por non atopar nada mellor que ofrecer. Se cadra, en realidade non hai tal regreso a un pasado que esa dereita nunca abandonou, por máis que durante os últimos anos algúns quixeran convencer a Ponteareas, pleno tras pleno e eleccións tras eleccións, de que aquel negro pasado nada tiña que ver con eles nin cun Partido Popular que, reescribindo a nosa historia política, tería nacido en 1998 coa chegada a Ponteareas dun Salvador chamado para redimir, como novo candidato popular, os imperdonabeis pecados orixinais da dereita ponteareán encarnada até ese momento por un alcalde orgulloso do seu pasado franquista.

    María Solar, «A culpa»

    A metade de camiño entre a novela negra e o thriller, María Solar vén de presentar un novo traballo para adultos no que pescuda nas interioridades da parte máis escura da alma humana a través dun trío de mulleres, protagonistas do relato.

    Antón Riveiro Coello, «Días de intemperie»

    A nova achega de Antón Riveiro Coello, «Días de imtemperie», é unha proposta que contén nove relatos de temática e transfondo diferentes, mais que teñen un elemento en común, como é a guerra no sentido máis amplo da palabra.

    Colaboradores

    Alberto Aliaga Sola
    20 POSTS0 COMMENTS
    Bea Sanfa
    14 POSTS0 COMMENTS
    Manrique Fernández
    78 POSTS0 COMMENTS
    Paz de la Peña
    41 POSTS0 COMMENTS
    Ricardo Canosa Bastos
    14 POSTS0 COMMENTS
    Roberto Mera
    6 POSTS0 COMMENTS
    Avatar
    1 POSTS0 COMMENTS