O parque da Palma acolle hoxe venres e o sábado 11 e 12 de agosto, o tradicional TORNEO DE BASKET 3X3, organizado pola Concellería de Deportes do Concello de Baiona e polo Club Baloncesto Baiona.
Trátase da XXVI edición, e o obxectivo principal da organización é cear un bo ambiente para poder gozar dunhas xornadas de baloncesto de convivencias bonitas e intensivas. Con tal fin, dispúxose catro modalidades: Vetertanos (máis de 40 anos); Adultos (masculino e feminino); Sub 16 (mixto) e Sub 12 (mixto).
Cada equipo debe estar formado por un mínimo de 3 xogadores e un reserva e como máximo 6 integrantes.
Os partidos desenvólvense todos o venres de tarde e o sábado de tarde. Para o seu desenvolvemento, a parte das catro pistas do parque da Palma, habilitarase unha pista supletoria proporcionada pola Federación Galega de Baloncesto que tamén facilita os árbitros que controlarán o torneo.
Cada xogador ou xogadora recibirá unha camiseta de recordo por participar no Torneo. Realizaranse diferentes sorteos durante o evento e os gañadores de cada categoría recibirán un trofeo e tickets agasallo.
Trátase dun evento que nas súas anteriores ocasións acolleu a máis de 250 participantes.