Marta Fernández-Tapias, delegada territorial da Xunta en Vigo, visitou onte o concello de Baiona

A nova representante autonómica analizou co alcalde, Carlos Gómez Prado, os temas relacionados coa Administración galega

A delegada da Xunta en Vigo, Marta Fernández-Tapias, continuou onte en Baiona coa rolda de contactos iniciada cos alcaldes dos municipios da área territorial, tras tomar posesión como nova representante do Goberno autonómico na cidade.

No encontro, Fernández-Tapias tivo a oportunidade de analizar co munícipe desta localidade pontevedresa, Carlos Gómez Prado, os temas relacionados coa Administración galega e que son prioritarios para o concello en materia de educación, saneamento ou sanidade, entre outros. Así, durante a xuntanza fixeron repaso dos grandes proxectos e necesidades que dependen da Xunta de Galicia.