19.1 C
Pontevedra
Martes, 16 de Agosto de 2022
Máis
    HomeVal MiñorBaionaBaiona levará a Pleno unha declaración institucional de apoio ao Baíña F.S.

    Baiona levará a Pleno unha declaración institucional de apoio ao Baíña F.S.

    O Grupo de Goberno do Concello de Baiona levará ao pleno telemático de hoxe venres, 18 de decembro, unha Declaración Institucional de apoio ao Baíña F.S. logo de que a Federación ameace con baixalo de categoría e expoñerse a sancións ao negarse o club a iniciar a liga “por responsabilidade” ante o complicado momento que se está a vivir pola pandemia da COVID.

    A declaración institucional di, textualmente:

    “Con esta declaración institucional queremos mostrar o noso máis firme apoio á causa emprendida polo club deportivo do noso municipio Baíña F.S. de non iniciar a liga por responsabilidade dados os complicados momentos que Galicia está a vivir como consecuencia da segunda onda do Covid-19”, manifesta o Alcalde, Carlos Gómez Prado.

    “Este grupo de goberno mostra todo o seu apoio á directiva e xogadores do club baionés na súa decisión responsable e considera exemplar a determinación tomada polo club”. Ademais, o rexedor considera inxusta a decisión da Federación que despois de varias reunións, a única solución que se lles ofreceu é a renuncia á praza de Terceira e/ou expoñerse as posibles sancións.

    “En ambos os casos o club descendería á última categoría (liga local) e non podería volver xogar nesa categoría durante un número de anos, algo tremendamente inxusto para este club tan arraigado na nosa localidade. Sería un gran prexuízo para o club e para o deporte baionés, que chegou a Terceira a base dun proxecto e un traballo constante desde hai máis de 20 anos. Crear un proxecto serio cunha ampla base social, con xogadores da canteira (unha canteira que conta con máis de 120 xogadores), cun gran traballo non só de xogadores, técnicos e directivos, senón tamén de todo un pobo como Baiona que apoiou ao club en todo momento, cun gran esforzo de moitos patrocinadores, e un gran traballo das institucións que desde o minuto uno do proxecto axudaron aos baiñistas a crecer e ir ascendendo categorías ano a ano”. conclúe o rexedor.

    O club non se deu nunca por vencido e continúa loitando por non iniciar a liga nestes momentos. Seguirá solicitando o aprazamento ata xaneiro, xa que nada indica que nas próximas datas a situación mellore senón todo o contrario. En caso de ser sancionados de forma tan grave, levarán a cabo distintas medidas e recorrerán á Xunta de Galicia ou outras institucións para evitar esta situación tan gravosa e que por querer ser responsables e apostar pola saúde, castiguen ao club dunha forma tan dura.

    O Baíña non está só nesta petición, outros 3 clubs (Vila de Cee, Outeiro de Rei e Unión GR9) tamén solicitan este aprazamento alegando que, mobilizar cada semana a máis de 15 persoas para adestramentos e partidos por toda Galicia non é conveniente e só axudaría á propagación do virus. Ademais, os protocolos non son os correctos e son caros, o cal elevaría os custos do club nun ano onde a situación non é nada boa.

    No caso do Baíña, a maioría dos xogadores son estudantes universitarios de dous campus diferentes da provincia e conviven cos seus pais e familiares. O xogar nestes momentos expoñeríaos xa non só a contagios, senón tamén a confinamentos constantes como está a pasar noutras ligas que se están tentando disputar por Galicia.

    COLABORACIÓNS

    Ramón D. Veiga, «Zoom»

    En ocasións, a literatura xorde dun puro divertimento, dun simple xogo que alicerza a escrita e do que o autor ou autora se fai partícipe dende o inicio. Hai exemplos numerosos ao respecto, ás veces concibidos como simples exercicios de estilo, outras, como argalladas transgresoras coas que experimentar un xeito determinado de escribir. O que hoxe traemos a este espazo parece encaixar perfectamente nese prantexamento lúdico.

    ¡Galicia negra!

    En estos últimos días, mejor dicho ya semanas, estamos volviendo a la cruda realidad de ver a nuestra Galicia de nuevo ennegrecida por el humo y por los incendios. No es algo que nos pille de sorpresa, por desgracia ya es algo habitual desde hace muchos años aunque, este año, se ha adelantando en el tiempo, ya que lo que solía ocurrir principalmente a finales de verano, debido a la climatología de este año, ya está sucediendo en estos meses.

    Galicia

    Onte, 25 de xullo, celebrouse na nosa comunidade o día da patria galega, polo que esta publicación vai adicala a ela. Este día festéxase oficialmente dende 1979, ainda que a orixe desta celebración remóntase a 1919.

    Un tour por Marruecos

    He estado un poco desaparecida, pero aquí estoy de nuevo 🙂 En mayo viajé junto con cuatro amigas a Marruecos, hicimos una escapada durante el puente de las Letras Galegas. Fue breve, pero intensa. Nos dió tiempo a aprovechar muy bien esos cinco días y a conocer un trocito de ese país tan especial.

    Colaboradores

    Alberto Aliaga Sola
    20 POSTS0 COMMENTS
    Bea Sanfa
    14 POSTS0 COMMENTS
    Manrique Fernández
    67 POSTS0 COMMENTS
    Paz de la Peña
    40 POSTS0 COMMENTS
    Ricardo Canosa Bastos
    14 POSTS0 COMMENTS
    Roberto Mera
    4 POSTS0 COMMENTS
    Avatar
    1 POSTS0 COMMENTS