O alcalde de Baiona, Carlos Gómez Prado, quere “felicitar publicamente o labor de axuda, solidariedade e servizo ás familias menos favorecidas, a todo o grupo de voluntarias e voluntarios, que colaboraron nas labor de comprar, e mesmo, aquelas persoas particulares que fixeron achegas para que todas as nenas e nenos, independentemente da situación económica das súas familias, poidan gozar de agasallos novos e dun Nadal feliz”.
O Concello de Baiona puxo en marcha , por primeira vez este Nadal, esta iniciativa que ten por obxecto principal que calquera neno ou nena que pertenza a unha familia que se atope en risco de exclusión reciba un obsequio nestas datas marcadas pola compra de detalles con motivo da festividade dos Reis.
Unha iniciativa que non fora posible sen o gran labor levaba a cabo por este grupo de voluntarios que de forma desinteresada contribuíron co seu traballo a que a campaña fose todo un éxito e os nenos e nenas da vila menos desfavorecidos reciben agasallos novos nun día tan especial como o é o Día de Reis.
Por iso, o Alcalde mostra todo o seu agradecemento en nome do equipo de goberno e manifesta que “non ten palabras para agradecer a todas as persoas que participaron. Fun testemuña de a ilusión, responsabilidade, ganas, disposición e formas de expresalo e enchéronme de emoción durante estas datas tan especiais”, sinalou.
Para todas estas persoas van este recoñecemento “por todo o exemplo de solidariedade e empatía. Ninguén mellor que vós representa o espírito de solidariedade do pobo de Baiona e merecedes o maior dos recoñecementos polo voso compromiso en favor da sociedade”, conclúe o rexedor.
Esta iniciativa pioneira posta en marcha polo concello, que ten como obxectivo primordial que nenas e nenos poidan gozar dunhas festas o máis felices posibles, cumpre outros obxectivos como son contribuír a axudar coas súas compras ao comercio local, á súa dinamización e á participación activa na campaña “Este Nadal, Non Distánciesche do Comercio Local de Baiona”.