O Concello de Baiona vén de informar que unha vez pasados os prazos administrativos de exposición pública e para a presentación de alegacións, xa está aberto o prazo de presentación de solicitudes para os sectores do comercio, hostalaría e resturación, que serán resoltas por orde de entrada no Rexistro do Concello e que se poderán presentar a partir de mañá luns en horario de 9 h a 13 horas. Será necesaria a solicitude de cita previa no teléfono 986 356 779. O prazo de presentación de solicitudes rematará o 16 de xullo.
O Concello de Baiona aprobou unha liña de axudas aos sectores da hostalería, restauración e comercio por motivo do COVID-19, cunha contía fixa de 500 €. Con esta iniciativa, sinala o alcalde de Baiona, Carlos Gómez, o Concello “reafirma o seu apoio aos sectores da hostalaría, restauración e comercio destinando 100.000 euros do remanente de tesourería a axudas directas”. A esta medida, engade o rexedor local, “engádese a exención da taxa de terrazas, que ascendería a outros 90.000 euros”.
Con todas estas iniciativas, explica Gómez, “queremos axudar a estes sectores nesta situación complicada para que a ‘travesía’ sexa menos dificil. Amais, estas axudas contribuúen a dinamizar a economía local para que poidamos saír reforzados desta crise”.