13.6 C
Pontevedra
Domingo, 9 de Maio de 2021
Máis
    HomeComarcasRedondelaRedondela recupera a contorna da antiga industria téxtil de Regojo reconvertida nun...

    Redondela recupera a contorna da antiga industria téxtil de Regojo reconvertida nun parque público

    O traballo realizado polo alumnado-traballador do obradoiro de emprego 'Redondela Vila Bela III' busca ser un recordatorio permanente a importancia que a fábrica tivo no desenvolvemento industrial do municipio

    Redondela conta cunha nova zona de esparexemento público situada nunha áreas máis novas do casco urbano, a denominada urbanización Regojo que ocupa boa parte dos terreos que, no seu tempo, albergou a unha industria téxtil de renome nacional e internacional.

    No acto de inauguración deste espazo, a alcaldesa Digna Rivas e a delegada territorial da Xunta en Vigo, Marta Fernández-Tapias estiveron acompañadas por Pedro Regojo –representante da familia Regojo e que durante anos estivo ao fronte do Clúster Textis Moda de Galicia (Cointega) amais de ser un dos principais artífices da unificación das distintas asociacións galegas da moda e confección–, a directora do curso e concelleiros e concelleiras do Grupo de Goberno e da Corporación Municipal.

    Os novos xardíns foron presentados ao público nun acto que, ao mesmo tempo, marcaba o fin do obradoiro de emprego ‘Redondela Vila Bela III’ cuxo alumnado-traballador das especialidades de cantería e xardinaría foi o encargado de darlle forma a este parque.

    As amplas zonas verdes están salpicadas de elementos en pedra relacionados coa industria téxtil Regojo mentres que panéis informativos –realizados polo alumnado do obradoiro de garantía xuvenil ‘Redondela Sostible’, xa rematado– explican a historia da fábrica de xeito rápido, ilustrativo e ameno.

    O novo parque é un amplo espazo –ao redor de 3.000 metros cadrados distribuído ao redor da cheminea da antiga fábrica– que pola súa distribución en socalcos ofrece numerosas vantaxe á hora de distribución tanto dos espazos coma dos distintos elementos que irán dentro dos mesmos.

    Todos os elementos, realizados polos alumnos da especialidade de cantería do ‘Redondela Vila Vela III’, están directamente relacionados coa industria téxtil da que Regojo foi un referente a nivel nacional e internacional. Así, veciñanza e visitantes poderán ver, con excepcional mestría, agullas, máquinas, carretes de fío ou as míticas ‘camisas Dalí’.

    Un rápido percorrido polos paneis achega á cidadanía á importancia que tivo unha industria como a de Regojo que, nos anos 70, era a fábrica de camisas máis importante de España, facendo 12.000 camisas diarias, exportando 30.000 unidades a Alemaña mensualmente e cunha rede de máis de 15.000 tendas en toda España.

    A maiores dos xardíns, os laterais aproveitáronse para establecer dúas zonas de xogos para nenos e adultos, tamén elaborados en pedra e que contribúen a darlle un novo valor a todo o espazo. Finalmente, a cheminea, que preside toda a zona, testemuña da historia da fábrica, será dotada de alumeado.

    O Concello de Redondela, tal e como explicou a alcaldesa Digna Rivas, busca con esta iniciativa, manter o dobre compromiso de “dotar de zonas verdes e de esparexemento para goce da veciñanza e, ao mesmo tempo, poñer en valor a importancia dunha industria como a de Regojo, que foi quen de situar Redondela no mapa de Europa”.

    Pedro Regojo, cualificaba de “fundamental para o futuro do municipio facer cursos e formarse”. A formación que acabades de recibir –asegurou– “é vital para o voso futuro”. Regojo quixo tamén agradecer “tanto á Xunta como a alcaldesa esta obra que será un recordo para toda a vida. O agradecemento é unha cousa escasa neste mundo e cando un pobo ou a Xunta lembran, con este parque, a obra da miña familia, é de agradecer”.

    Digna Rivas agradeceu “aos alumnos/as traballadores/as así como a dirección do obradoiro “o extraordinario traballo realizado e que tiña a complexidade de, nunha mesma actuación, crear un novo espazo para a cidadanía e ao mesmo tempo resaltar e manter para coñecemento das futuras xeracións a importancia que a fábrica Regojo tivo no desenvolvemento de Redondela”.

    COLABORACIÓNS

    Bea Sanfa, unha visión moi persoal de plans, receitas, viaxes e moito máis

    A día de hoxe podemos dicir que contamos no noso xornal cunha nova colaboración moi interesante e auténtica a cargo da soberina Bea Sanfa. Para nós é unha ledicia poder contar con esta sección que de seguro vos axudará nestes tempos que estamos a vivir.

    Nee Barros Fernández, «Identidade»

    «Identidade» é unha peza teatral que chega a nós como o primeiro traballo de Nee Barros, e nos presenta a un autor ao que haberá que prestar atención na súa andaina polas nosas letras. Poderiamos falar, de primeiras, de que é un texto preñado de sinceridade e rotundidade, pois o título é bastante contundente e, por se houbese algúnha dúbida, leva un subtítulo aínda máis aclaratorio: «A normalidade do non-común». E tal é o alicerce sobre o que se constrúe a súa historia: a revelación da normalidade na construción dunha identidade.

    Movimiento máster, deporte para todas las edades

    Hace unas semanas, la Liga Europea de Natación (LEN) emitía un comunicado en el que anunciaba que el Campeonato de Europa de natación máster quedaba definitivamente cancelado. Previsto inicialmente para la primavera de 2020, se había pospuesto a mayo de 2021 en previsión de que la situación epidemiológica en esta fecha fuese más favorable, pero la realidad ha acabado imponiéndose a los deseos de organización y participantes.

    Colaboradores

    Alberto Aliaga Sola
    4 POSTS0 COMMENTS
    Ángel Covelo
    6 POSTS0 COMMENTS
    Bea Sanfa
    1 POSTS0 COMMENTS
    Manrique Fernández
    38 POSTS0 COMMENTS
    Paz de la Peña
    30 POSTS0 COMMENTS
    Roberto Mera
    1 POSTS0 COMMENTS