15 C
Pontevedra
Martes, 23 de Abril de 2024
Máis
    HomeComarcasRedondelaRedondela reafirma o compromiso cos seus ríos sumándose á limpeza simultánea do...

    Redondela reafirma o compromiso cos seus ríos sumándose á limpeza simultánea do ‘Proxecto Ríos’ de Adega

    O Concello colaborará coa asociación ArteLixo na limpeza do río Pexegueiro e coa Asociación de Veciños de Chapela, na retirada de lixo do río Maceiras

    A Concellería de Medio Ambiente do Concello de Redondela, que dirixe Alberto Álvarez, vén de reafirmar a súa aposta polos ríos sumándose á xornada de Limpeza Simultánea de ríos que se desenvolverá este vindeiro domingo, 26 de setembro ao abeiro do ‘Proxecto Ríos’ promovido por Adega.

    Tal e como adiantou Alberto Álvarez, o Concello redondelán a través do Departamento de Medio Ambiente colaborará coa asociación ArteLixo e coa Asociación de Veciños de Chapela nas limpezas que levarán acabo nos ríos Pexegueiro e Maceiras.

    “Nestas últimas datas estivemos traballando arreo na limpeza e rozado das beiras dos treitos urbanos dos nosos ríos que son nos que o Concello ten competencias –explica o concelleiro– polo que a participación no Proxecto Ríos e a campaña de limpeza simultánea supón unha acción máis na protección do noso medio natural”.

    Río Pexegueiro

    A limpeza do río Pexegueiro, organizada pola asociación ArteLixo terá o seu punto de reunión e saída fronte á Piscina Municipal de Redondela ás 10 horas. Unha vez rematadas as labores de limpeza, está prevista a celebración dun xantar popular á beira do río na que as e os participantes deberán levar a súa comida. A inscrición para participar nesta iniciativa deberá realizarse no correo artelixoredondela@gmail.com.

    Río Maceiras. Chapela

    No que á limpeza río Maceiras fai referencia, actividade organizada pola Asociación de Veciños de Chapela e que chega xa a súa sétima edición, o punto de reunión será no Camiño Laredo de Abaixo, 3 (coordenadas GPS 42.265495, -8.674221) ás 10:30 horas. A zona de estacionamento será fronte a Piscina Municipal de Chapela (42.266485, -8.675588). Dadas as restricións sanitarias, será preciso inscrición previa que pode formalizarse no correo avvchapela@gmail.com.

    A alcaldesa de Redondela, Digna Rivas, lembrou a importancia de iniciativas como o ‘Proxecto Ríos’ “que, máis aló do feito puntual da limpeza dos nosos ríos, son unha extraordinaria ferramenta de sensibilización e educación ambiental”. Rivas subliñou a “implicación” tanto de ArteLixo coma da Asociación de Veciños de Chapela “á hora de preservar o noso medio ambiente e de concienciar á cidadanía da importancia que teñen os nosos ríos como fonte de vida”.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.