11.8 C
Pontevedra
Venres, 21 de Xuño de 2024
Máis
    HomeComarcasRedondelaRedondela presenta o programa para conmemorar o Día LGTBIQ+

    Redondela presenta o programa para conmemorar o Día LGTBIQ+

    O Concello de Redondela vén de presentar o programa de actos que, con motivo da conmemoración do Día LGTBIQ+, se desenvolverán entre o luns 27 de xuño e o xoves 30 de xuño. Un programa elaborado pola concellería de Igualdade que xestiona Iria Vilaboa en colaboración coas asociacións Pvlse de Vigo e Irisar de Redondela.

    O lugar elixido para a presentación do cartel foi o Banco da Diversidade do CEIP Porto Cabeiro, e a alcaldesa, Digna Rivas, estivo acompañada pola concelleira de Igualdade, Iria Vilaboa, e Susana Crespo, titora de Educación Infantil; Cecilia Rodríguez, directora e especialista en Audición e Linguaxe e Celia Ledo, secretaria e orientadora do Centro.

    O Banco da Diversidade do Porto Cabeiro foi instalado o pasado ano ano polo Concello dende o convencemento que “a aprendizaxe de valores como a diversidade, a tolerancia e a igualdade, –piares sobre os que se ten que sustentar unha sociedade xusta– teñen que comezar polos máis pequenos e pequenas”, asegura a alcaldesa Digna Rivas.

    O programa presentado hoxe arrincará xa o luns 27 de xuño, véspera do Día LGTBIQ+, ás 12 horas terá lugar no multiúsos da Xunqueira a inauguración da exposición “Coñece LGTBIQ+” e, xa polo serán a Casa do Concello e a ponte de madeira da Alameda Castelao –que o fixo o pasado ano por primeira vez– tinguiranse coas cores do arco da vella nun acto simbólico que expresa o compromiso de Redondela coa diversidade.

    O martes 28, Día do Orgullo LGTBIQ+, ás 19 horas terá lugar a lectura do manifesto para, deseguido, proceder a inauguración do Mural da Diversidade na traseira do Multiúsos da Xunqueira.

    A xornada rematará co concerto do grupo Girl’s Gang na pista da Xunqueira ás 20 horas que contará coa colaboración de Carolina Smith.

    O día 30 de xuño ás 18 horas, e dirixido aos e ás máis pequenas, a Biblioteca Xela Arias de Chapela terá unha actividade de contacontos que se desenvolverá baixo o título Voando libres.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.