22.5 C
Pontevedra
Luns, 15 de Abril de 2024
Máis
    HomeComarcasRedondelaRedondela pon en marcha un programa pioneiro en España de concienciación en...

    Redondela pon en marcha un programa pioneiro en España de concienciación en materia de prevención da COVID-19

    O programa ‘Maiores Contaxiando Responsabilidade’ terá un dos seus eixos nos ‘Equipos de Maiores de Concienciación Cidadá’ que esta mañá presentáronse no Centro Cultural de Cedeira

    O Centro Cultural de Cedeira foi o lugar elixido polo Concello de Redondela para presentar un programa de concienciación cidadá en materia de prevención contra a COVID-19. A iniciativa, pioneira en España e que se desenvolve ao abeiro do programa ‘Maiores Contaxiando Responsabilidade’, busca a formación de grupos de maiores –Equipos de Maiores de Concienciación Cidadá (EMCC)– en todo o relativo á prevención do coronavirus tanto dende o punto de vista sanitario coma de seguridade ou social.

    A alcaldesa e concelleira da Terceira Idade, Digna Rivas presentou hoxe esta novedosa iniciativa acompañada polos concelleiros Daniel Boullosa e Vicente Lamas; a técnica da Terceira Idade, Alejandra Fernández; o especialista en xeriatría e presidente da Sociedade Galega de Xerontoloxía e Xeriatría, Miguel Ángel Vázquez Vázquez; os educadores sociais Ricardo Alfaya e Begoña Lusquiños e o policía local xubilado, José Ángel Veiga Martínez.

    Tal e como explicou a alcaldesa ao grupo de maiores presentes, “Cedeira será a parroquia ‘piloto’ onde se desenvolva este programa para, posteriormente, levalo aos demais núcleos rurais do municipio”. Rivas subliñou a importancia desta iniciativa “porque o perigo non pasou e agora temos que ter máis coidado que nunca para evitar unha volta atrás que sería catastrófica”.

    Este grupo de maiores recibirá explicacións polo miúdo da COVID-19 dende os aspectos sanitario, social, preventivo e de seguridade en clases curtas de entre 15 e 20 minutos cadansúa, de xeito que sexan o máis amenas posible. Unha vez rematada a preparación, este grupo de maiores terá a labor de explicarlles o aprendido ás súas amizades, veciñanza e familiares. “Trátase –apunta a alcaldesa de Redondela– de crear un ‘efecto dominó’ e que a concienciación sobre a necesidade de non baixar a garda e manter as medidas preventivas, cale entre toda a cidadanía”.

    Doutra banda, o programa “Maiores Contaxiando Responsabilidade” é unha ferramenta de transformación do papel das persoas maiores na sociedade, un proxecto no que o Goberno local leva traballando dende a súa toma de posesión. As e os maiores abandonan o seu rol pasivo “e convértense en pezas útiles á sociedade, achegando os coñecementos e a experiencia adquirida ao longo de toda unha vida”, sinalouse na presentación da iniciativa.

    Digna Rivas, Daniel Boullosa e Vicente Lamas, agradeceron “o interese e implicación” das veciñas e veciños de Cedeira presentes na reunión e que constituirán este “grupo piloto”. “Ninguén dixo que non, ninguén puxo pegas a estar hoxe aquí e esa é a mellor mostra de que as e os nosos maiores teñen ganas de ser útiles á sociedade, de aportar toda a súa experiencia para que sirva de guía aos que veñen detrás”.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.