10.6 C
Pontevedra
Martes, 13 de Abril de 2021
More
    HomeComarcasRedondela'Redondela MercaNaCasa', iniciativa para reactivar o comercio local durante o confinamento do...

    ‘Redondela MercaNaCasa’, iniciativa para reactivar o comercio local durante o confinamento do COVID-19

    A Concellería de Emprego do Concello de Redondela vén de poñer en marcha unha iniciativa que, baixo o nome de ‘Redondela MercaNaCasa’ busca reactivar o comercio local durante o estado de alarma provocado pola crise sanitaria do coronavirus. ‘Redondela MercaNaCasa’ parte do convencemento da existencia de numerosos establecementos redondeláns “que poden ofrecer os seus produtos e servizos a domicilio”.

    Deste xeito, explica a concelleira de Emprego, María Castro, “conséguese que, por unha banda, as veciñas e veciños non teñan que abandonar o confinamento, co risco sanitario que iso supón, para mercar produtos. Doutra banda, as compras realízanse no pequeno comercio do municipio que vén de sufrir un duro golpe coa obriga de peche establecida polo estado de alarma”.

    Do que se trata, apunta pola súa banda a alcaldesa Digna Rivas, é de “coordinar aos comercios locais que estean en disposición de ofrecer os seus produtos ou servizos a domicilio e que, ao mesmo tempo, a veciñanza saiba a que establecementos pode recorrer en caso de precisar un determinado servizo”.

    O comercio local, engade Rivas, “enfróntase a tempos complicados e a nosa obriga como administración máis próxima á cidadanía, é habilitar os mecanismos que fagan máis doada esta situación”. É preciso, afirma a alcaldesa de Redondela “reinventarse” nos tempos complexos e “administración e tecido comercial e empresarial traballar xuntos e coordinados para que o impacto negativo desta crise, sobre as nosas empresas e comercios, sexa o menor posible”.

    Para poñer en marcha a iniciativa o Concello vén de habilitar un enderezo de correo electrónico, redondelamercanacasa@redondela.gal ao que, os negocios interesados deberán remitir datos como o nome do establecemento; logotipo, ou páxina web, se teñen; teléfono e persoa de contacto; enderezo electrónico; produtos e servizos que ofrecen; de que xeito queren interrelacionarse coa cidadanía (por teléfono ou correo electrónico); modo de facer chegar o pedido ao cliente; métodos de pagamento e o consentemento a poder utilizar estes datos.

    Para resolver as dúbidas que se poidan presentar, habilítanse tamén dous números de teléfono, operativos de luns a venres e de 9 h a 14 horas: 986 402 664 e 986 400 300.

    Esta é, conclúe Digna Rivas, “a primeira dunha serie de medidas que o Goberno local adoptará, en colaboración cos interlocutores económicos e empresariais de Redondela, para non só minimizar o impacto da crise do coronavirus na economía local, senón tamén a súa reactivación unha vez remate o actual estado de alarma”

    Arroz de coliflor con verduritas

    No, la coliflor no es aburrida. ¿Recordáis que hace un tiempo hicimos una pizza con la base hecha con coliflor? Pues hoy vamos a hacer unas verduritas con un “arroz de coliflor”.

    Teresa Ríos Noya, «Non estamos preparados para medrar»

    Que a poesía de base é unha marmita na que se van aliñando os nomes que mañá serán referente da nosa escrita, é algo que moi poucos poñen en dúbida a estas alturas da vida. E o caso que nos ocupa vén ser un exemplo máis de tal afirmación. Teresa Ríos deuse a coñecer ao abeiro do grupo poético e literario Versos de Areas, xurdido en Ponteareas un par de anos atrás.

    Serafín Parcero, «A illa dos deuses»

    As novelas de corte histórico que se publican en Galicia acostuman a estar ateigadas de referencias a feitos e personaxes reais, profusamente documentadas, e mesmo poderían pasar sen rubor (unhas máis ca outras) a criba de calquera historiador que se parase a valorar a súa veracidade. Pero son poucos os casos nos que o autor se entrega sen cortapisas á ficción partindo dunha realidade coñecida e dándolle a volta completamente ata configurar un relato propio.

    Colaboradores

    Alberto Aliaga Sola
    3 POSTS0 COMMENTS
    Ángel Covelo
    6 POSTS0 COMMENTS
    Jhonathan Zúñiga
    3 POSTS0 COMMENTS
    Lucía Alonso
    9 POSTS0 COMMENTS
    Manrique Fernández
    36 POSTS0 COMMENTS
    Paz de la Peña
    30 POSTS0 COMMENTS
    Ricardo Canosa Bastos
    12 POSTS0 COMMENTS
    Roberto Mera
    1 POSTS0 COMMENTS
    Avatar
    1 POSTS0 COMMENTS