“A loita pola igualdade e a erradicación da violencia machista ten que comezar polo ensino e inculcar eses valores entre a poboación máis moza”, sinalou a alcaldesa Digna Rivas que onte asistiu no IES Illa de San Simón a unha das charlas que, baixo o lema ‘Non deixes que te enREDen’, quere poñer de manifesto a gravidade da violencia machista entre parellas adolescentes.
As charlas, que comezaban o luns 22 no IES de Chapela continuaban o martes, 23 de novembro no IES Floriani para desenvolverse onte mércores 24 de novembro no IES Illa de San Simón e pecharse, o venres 26 de novembro, no IES Mendiño.
A Concellería de Igualdade, que xestiona Iria Vilaboa, insistiu na importancia que ten o feito “que a poboación máis interiorice a necesidade de acadar unha igualdade real entre homes e mulleres como paso fundamental para erradicar a violencia machista”.
A diminución da idade nas agresións sexuais e a violencia machista nas súas máis diversas facetas –violencia psicolóxica, física, control, chantaxe ou acoso a través das redes sociais– é un feito e “só con iniciativas que involucren ao sector máis novo da sociedade, seremos quen de conseguir eliminalas e comezar a construír un mundo máis xusto e unha sociedade máis igualitaria e decente”, afirmou a alcaldesa de Redondela.
Digna Rivas lémbralle a mocidade que o que se escribe nas redes sociais ou mensaxes que se intercambian polos sistemas de mensaxería instantánea, “poden ser tamén constitutivas de violencia machista”. A alcaldesa e a concelleira de Igualdade insistiron en que “aínda que a violencia física é a máis visible, outras violencias poden ser exercidas a través das redes sociais ou whatsapp, como o acoso, o control ou a violencia psicolóxica que non deixan de ser diversas formas dun mesmo problema: a violencia machista”.
Redondela leva aos institutos a necesidade de traballar pola igualdade con ‘Non deixes que te enREDen’
A Concellería de Igualdade quere poñer o foco de atención na violencia sexual, física ou psicolóxica nas parellas de adolescentes e nas redes sociais
LIBROS
A pegada de «Ronsel»
A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.
Dores Tembrás, «Enxertos»
A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades
Queridos Reis Magos…
Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.