10 C
Pontevedra
Venres, 1 de Marzo de 2024
Máis
    HomeComarcasRedondelaRedondela e Chapela terán Cabalgatas de Reis para que nenos poidan gozar...

    Redondela e Chapela terán Cabalgatas de Reis para que nenos poidan gozar dun dos días máis esperados do ano

    Redondela e Chapela celebrarán o día 5 de xaneiro do 2023 a esperada cabalgata para recibir aos Reis Magos de Oriente e que os nenos poidan gozar dunha das actividades máis ilusionantes do Nadal.

    O ano pasado as cabalgatas adoptaron o formato de actividades estáticas, unha recomendación para poder celebrar o Día de Reis en plena pandemia do Covid-19. “Este ano as dúas cabalgatas do municipio volven a facer o seu percorrido habitual, un momento moi esperado polos máis cativos e cativas de Redondela que poderán gozar das festas como se merecen”, explicaba a alcaldesa, Digna Rivas.

    En Redondela, os Magos de Oriente comenzarán ás 18 horas en Vilavella, preto da Praza de Ponteareas, para dar a volta no Campo da Feira e facer parada no Concello, onde recibirán aos nenos e nenas e escoitar os desexos deste ano. O percorrido polas rúas de Chapela comeza ás 18 horas no alto da Encarnación ata 4 Pontes e volve ao edificio do Círculo Recreativo de Chapela para recibir alí os cativos e cativas.

    “A cabalgata recuperará todo o esplendor despois dos anos de pandemia. É importante para este goberno que os dous núcleos urbanos máis importantes do municipio, Redondela e Chapela, teñan a súa propia cabalgata e chegar a maior cantidade de raparigos e raparigas posible”, conclúe Rivas.

    LIBROS

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.

    Fran Fernández Davila, «Groenlandia»

    A Fran Fernández Davila gústalle sorprender cos seus traballos literarios, descolocar ao lector para levalo por paisaxes pouco transitadas física e emocionalmente, escapar da rutina diaria e, cunha forte carga de imaxinación, argallar historias nas que a intriga e o humor acaban por se converter en personaxes convidadas da trama.