16.6 C
Pontevedra
Venres, 20 de Maio de 2022
Máis
    HomeComarcasRedondelaRedondela dá un paso máis cara o futuro coa contratación dos traballos...

    Redondela dá un paso máis cara o futuro coa contratación dos traballos para a realización dunha Axenda Dixital

    Unha app permitirá que veciñas e veciños poidan realizar xestións dende os seus dispositivos móbiles incrementando a transparencia de procesos e a facilidade de realización de trámites

    O Concello de Redondela, a través da Concellería de Novas Tecnoloxías, que xestiona Olga García Ballesteros, vén de adxudicar á empresa Cinfo Contenidos Informativos Personalizados, a contratación da creación dunha Axenda Dixital, traballos que contarán cun orzamento de 11 616,00 € (IVE incluído).

    O proxecto, unha vez rematado, permitirá dotar á cidadanía dunha App para dispositivos móbiles que lle permita unha comunicación directa e eficaz co Concello. Os usos desta aplicación xa utilizada nas grandes cidades, pode ir dende a reserva de locais municipais (salas de ensayo, pistas deportivas) á adquisición de entradas para as actividades culturais que organice o concello ou mesmo que, veciños e veciñas poidan acceder aos seus expedientes administrativos virtuais (Servizos Sociais, Urbanismo ou Padron de habitantes entre outros).

    Doutra banda, tal e como explicaba a alcaldesa Digna Rivas, constitúe unha ferramenta de extraordinaria importancia “para seguir avanzando na transparencia e na participación veciñal na gobernanza municipal ao permitir que se puideran realización votacións a través de internet ou mesmo realizar achegas aos presupostos participativos”.

    A aplicación permitiría tamén unha axilización notable en procesos sinxelos como a antedita reserva de pistas deportivas ou locais de ensaio. Unha vez realizada a solicitude, a App xeraría un código QR. O usuario e usuaria, activaría a entrada á instalación reservada presentando o QR diante do correspondente lector o que lle facilitaría o acceso sen necesidade de ter que recoller a chave no Concello e entregala ao rematar a actividade.

    A maiores da facilidade de acceso, permitiría tamén un control sobre as instalacións ao saber cando foi a última vez que se utilizou e que persoa ou persoas foron as usuarias.

    As novas tecnoloxías “son unha ferramenta extraordinaria que temos ao noso alcance e, como administración máis próxima á cidadanía, a nosa obriga é que sirva como canle de comunicación rápido, seguro e eficaz, entre a veciñanza e o Concello”, asegura a alcaldesa.

    COLABORACIÓNS

    ¡El mago de la electrónica, ha muerto!

    El personaje de la portada, es probable que a muchos lectores no le suene, quizás algunos al ver los cachibaches que está utilizando, se puedan hacer una pequeña idea, pero los seguidores de la música electrónica clásica y el Krautrock, seguro que si lo conocen perfectamente. Estamos hablando del mago de la electrónica, uno de esos pioneros que elevaron este estilo musical y la forma de hacer música al grado de celestial. Esta semana nos ha dejado el gran e inigualable, Klaus Schulze.

    Ledicia Costas, «O neno de lume»

    Ledicia Costas ten unha imaxinación poderosa e unha rara habilidade para a construción do que poderiamos chamar «relato marabilloso», ese que mistura realidade e fantasía, no que conviven persoas do común con seres sobrenaturais dotados de habilidades especiais.

    Mamá

    Cuatro letras de una de las palabras que primero aprendemos, que más pronunciamos a lo largo de nuestra vida y que más seguridad nos transmite.

    Brillante papel do CN Ponteareas nos campionatos de España de Torremolinos

    Torremolinos, en Málaga, foi a sede do XXII campionato de España “Open” Absoluto–XXXVIII Campionato de España júnior, que se disputou en piscina de 50 metros do 9 ao 13 de abril. O evento congregaba aos principais nadadores e nadadoras nacionais e foi retransmitido en directo pola canle Teledeporte.

    Colaboradores

    Alberto Aliaga Sola
    19 POSTS0 COMMENTS
    Bea Sanfa
    12 POSTS0 COMMENTS
    Manrique Fernández
    63 POSTS0 COMMENTS
    Paz de la Peña
    40 POSTS0 COMMENTS
    Ricardo Canosa Bastos
    14 POSTS0 COMMENTS
    Roberto Mera
    4 POSTS0 COMMENTS
    Avatar
    1 POSTS0 COMMENTS