13.7 C
Pontevedra
Sábado, 18 de Maio de 2024
Máis
    HomeComarcasRedondelaPonteareas asinará un novo convenio coa Deputación para dar continuidade ao servizo...

    Ponteareas asinará un novo convenio coa Deputación para dar continuidade ao servizo de administración electrónica

    A administración electrónica foi implantada no Concello en xaneiro de 2017 e permitiu a implantación dun xestor de expedientes e dunha sede electrónica

    O Goberno de Ponteareas (BNG-PSOE) elevou a Pleno a súa firme intención de volver a asinar un novo convenio coa Deputación de Pontevedra para dar continuidade ao servizo de implantación, formación, soporte e mantemento dunha solución de administración electrónica na administración municipal. A proposta do goberno, defendida no pleno polo concelleiro socialista Benito Márquez, foi aprobada por unanimidade de tódolos grupos políticos. 

    En decembro de 2016 o concello de Ponteareas adheriuse, a través dun convenio, ao plan da Deputación de Pontevedra de dotar aos concellos cunha poboación inferior a 50.000 habitantes para a implementación dunha solución electrónica. Esta convenio permitiu a implantación na administración municipal dun xestor de expedientes e dunha sede electrónica que lle permitiu ao concello acadar grandes avances en pouco tempo instaurando o expediente electrónico, garantindo o cumprimento das obrigas recollidas na Lei 39/2015, do 1 de outubro, de procedemento administrativo común nas administracións públicas e na Lei 40/2015, do 1 de outubro, de réxime xurídico do sector público. 

    “Neste sentido, permitiu ter tódolos seus expedientes organizados e localizados, evolucionando do expediente en papel ao expediente electrónico, a través da incorporación da sinatura electrónica en tódolos seus expedientes, o que supuxo aforrar custes en papel”, indicou o concelleiro socialista Benito Márquez. “Ademais, púxose en funcionamento a sede electrónica que permite aos veciños e veciñas poder relacionarse de xeito electrónico co concello sen ter que acudir fisicamente a el, consultar os seus expedientes e rexistros, recibir notificacións electrónicas, realizar pagos telemáticos e verificar a validez de documentos electrónicos, o que redundou de xeito significativo na relación cos cidadáns permitindo reducir tempos e prazos na tramitación dos expedientes”. 

    “A implantación da administración electrónica no concello foi un gran avance que nos permitiu dar maior seguridade aos procedementos administrativos e maior axilidade na resolución, e con este novo convenio queremos seguir polo camiño de modernización da administración municipal que vimos desenvolvendo dende o 2015”. 

    O convenio terá unha duración dun ano, prorrogable anualmente ata un máximo de catro. A Deputación financiará o 75 % do custe da solución, tendo que aportar o concello 5500 euros anuais. 

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.