21.5 C
Pontevedra
Venres, 19 de Abril de 2024
Máis
    HomeComarcasRedondelaO Goberno local redondelán reafirma a súa aposta polo deporte e pola...

    O Goberno local redondelán reafirma a súa aposta polo deporte e pola mellora das infraestruturas deportivas

    A Concellería de Deporte vén de investir 39.304 euros das baixas do Plan Concellos 2019 na recuperación e mellora da pista e das bancadas do Pavillón Municipal de Porto Cabeiro

    O Goberno local de Redondela, a través da Concellería de Deportes que xestiona Nacho González, vén de rematar os traballos de mellora e recuperación da pista e das bancadas do pavillón do CEIP de Porto Cabeiro, instalación de titularidade municipal e que, fora das horas lectivas, é utilizado por diferentes clubs deportivos da parroquia.

    Os traballos contaron cun investimento de 39.304 euros das baixas do Plan Concellos do 2019 e reafirman o compromiso do Goberno que preside Digna Rivas co deporte en todas as súas disciplinas para o que é preciso “contar con instalacións axeitadas e dotadas dos materiais máis innovadores que garantan as mellores condicións para a práctica deportiva e a comodidade para o público asistente”.

    Seguindo ese criterio de utilizar materiais innovadores, para a recuperación da pista do pavillón do CEIP Porto-Cabeiro, utilizouse o Game-Fix Skating, un revestimento que pola súa calidade e alta resistencia é utilizado para a práctica da patinaxe e que, polo tanto sofre, un menor desgaste coa práctica de calquera outra actividade deportiva. Este tipo de piso está especialmente recomendado para a súa utilización en instalacións deportivas públicas ou de centros de ensino.

    Amais da súa resistencia, este piso ofrece unha superficie continua e sen xuntas polo que, á hora da práctica deportiva, redúcese o risco de lesións ao permitir xiros rápidos sen bloquear o pe das e dos deportistas e aliviando as cargas musculares que se lle transmiten.

    Nese sentido, o concelleiro de Deportes, Nacho González, sinalaba a importancia non só de arranxar o piso dun pavillón que presentaba bastantes deficiencias, “senón de facelo con materiais que contribúan a garantir a seguridade de todas as persoas usuarias”.

    No que as bancadas fai referencia, foron dotadas de 300 asentos de material plástico de alta durabilidade de cara a mellorar as condicións de comodidade do público asistente aos distintos eventos.

    O pavillón do CEIP de Porto Cabeiro, de titularidade municipal –motivo polo que se puideron realizar as obras de mellora– é utilizado por clubs e veciñanza da parroquia fora das horas lectivas do colexio durante as que é de uso exclusivo para as labores propias do centro de ensino.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.