13.5 C
Pontevedra
Martes, 16 de Abril de 2024
Máis
    HomeComarcasRedondelaRedondela continúa co proceso para regular a participación cidadá na vida municipal

    Redondela continúa co proceso para regular a participación cidadá na vida municipal

    A Concellería de Participación Cidadá do Concello de Redondela que xestiona Susana Couñago, vén de anunciar a apertura do prazo de exposición pública do Regulamento dos Consellos Municipais Parroquiais. A veciñanza e colectivos terán ata o 18 de marzo para achegar as súas propostas e alegacións a dito Regulamento.

    Para a realización de alegacións pode utilizarse o modelo de instancia xeral dispoñible na sede electrónica do Concello. As entidades e colectivos deben presentar as alegacións a través da Sede Electrónica, mentres que a veciñanza poden realizar dito trámite a través da sede electrónica ou presentando o escrito no rexistro xeral do Concello.

    A Concellería de Participación Cidadá anima a toda á veciñanza e entidades das parroquias “a que realicen as alegacións que teñan por convinte, modo de dar efectividade ao principio de participación nas cuestións ou materias que afectan a toda a cidadanía”.

    O regulamento xa comezara a elaborarse durante o anterior mandato no que gobernaba Partido Popular quen optou por non seguir coa súa tramitación para que fose aprobado.

    Na páxina web do Concello (http://redondela.gal/gl/regulamento) está a disposición da cidadanía, para a súa consulta, a nova proposta de regulamento e as emendas presentadas ata agora polos BNG e PSOE.

    Por outra banda, a Concellería sinala que se están levando a cabo reunións informativas “con todas as asociacións das distintas parroquias nas que se procede a explicar da composición do Consello Parroquial e o de do pasos a seguir e documentación a presentar para formar parte formar parte dos mesmos”.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.