12 C
Pontevedra
Venres, 29 de Marzo de 2024
Máis
    HomeComarcasRedondelaO Goberno de Redondela inicia as obras de conservación e posta en...

    O Goberno de Redondela inicia as obras de conservación e posta en valor do Cemiterio de Eidos

    O Goberno local de Redondela iniciou, esta semana, os traballos de conservación, mantemento e posta en valor do Cemiterio de Eidos, un destacado elemento patrimonial e histórico do municipio. A construción deste histórico cemiterio remóntase aos nos 30 do século XIX. Alberga tallas e panteóns de gran valor non só artístico, senón tamén histórico, atopándose os sepulcros do exalcalde Ramón Pardo Ferro, cunha escultura que escenifica a fe con ollos vendados; ou o mausoleo do procurador Francisco Crespo Rivas, cunha columna coroada cunha grande pirámide deseñada en Arxentina.

    Trátase, segundo sinalou a alcaldesa Digna Rivas, “de recuperar un espazo de enorme significación para a veciñanza e para a propia historia de Redondela”. A importancia deste cemiterio e o seu valor patrimonial, engadiu a rexedora local, “fai que sexamos tremendamente respectuosos e coidadosos á hora de proceder a súa limpeza para o que se seguirán, escrupulosamente, os criterios dos técnicos e as recomendacións de Patrimonio”.

    El Cemiterio de Os Eidos garda tamén un gran valor no que atinxe a Memoria Histórica, xa que nel está unha foxa común cos restos de 42 republicanos represaliados durante a Guerra Civil. Outro acontecemento bélico anterior, como é a Guerra da Independencia Española, tamén deixou pegada neste camposanto cunha tumba de John O’Dogherty, un dos heroes da batalla de Ponte Sampaio.

    As obras contan co financiamento do Fondo Europeo, a través do Programa Operativo FEDER de crecemento sostible 2014-2020 e dentro da liña de actuación 22, destinada á Recuperación, rehabilitación e mellora do Patrimonio Histórico e cultural.

    Os traballos permitirán poñer en valor este espaco a través dunha total rehabilitación do recinto con actuacións que se centran en resolver as problemáticas apreciadas nos diferentes elementos que o configuran, dende os muros exteriores que o delimitan ata os pavimentos interiores, pasando por zonas axardinadas, peches, elementos ornamentais, instalacións e servizos urbanos, así como favorecer a accesibilidade universal mediante a realización de actuacións na súa totalidade.

    Dada a importancia histórica e patrimonial da actuación empregaranse tratamentos que non alteren as pátinas superficiais que o tempo foi creando e a sucidade será eliminada mediante “tratamentos brandos”. Segundo as recomendacións técnicas, o sistema de limpeza a empregar, de forma xeral, será o lavado con auga e cepillado manual e, do mesmo xeito, as máquinas empregadas para o abrandado das manchas mediante auga a presión, non excederán os límites recomendados no informe para non danar os elementos a limpar.

    O proxecto foi redactado polo arquitecto Ángel Santorio quen tamén exercerá as funcións de dirección de obra, conta con informe favorable dos servizos técnicos municipais e coa correspondente autorización de Patrimonio.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.