21.8 C
Pontevedra
Martes, 21 de Setembro de 2021
Máis
    HomeComarcasRedondelaO Concello pide á Xunta unha rectificación das declaracións nas que culpa...

    O Concello pide á Xunta unha rectificación das declaracións nas que culpa ao Goberno local de “non interesarse” polo convenio para a reforma da Avenida Mendiño

    O Concello de Redondela pedirá, a través dunha moción presentada polo Grupo Muncipal Socialista, que “a Xunta de Galicia proceda a desmentir as afirmacións escritas nas súas misivas acusando a este Goberno de non interesarse nin realizar os trámites necesarios” para continuar coa sinatura do convenio de reforma da Avenida Mendiño.

    O Concello que preside Digna Rivas, considera “insultante” que a Consellería de Infraestruturas e Mobilidade, respondendo a unha pregunta formulada polo Grupo Parlamentario Socialista sobre esta obra, afirme publicamente, que o Concello de Redondela non procedeu a remitir a retención de crédito precisa, “un trámite debidamente realizado, enviado e recibido pola Consellería hai máis de seis meses”, afirma con rotundidade a alcaldesa de Redondela.

    Dende a chegada ao Concello, o grupo de Goberno interesouse de forma inmediata da situación dunha obra que, segundo recolle a prensa, a conselleira de Infraestruturas e Mobilidade “presentara en Redondela –infografías incluídas– acompañada do exalcalde do PP nas vésperas das eleccións municipais e asegurando que o proxecto xa estaba redactado e as obras sería contratadas ese mesmo verán”.

    O interese do novo Goberno de coñecer a situación do procedemento viña dada porque, unha vez no Concello, o executivo entrante “constatou a inexistencia de ningún tipo de documentación nesta administración local sobre dita obra”, aclara a alcaldesa Digna Rivas.

    A partir dese momento, comezan os envíos continuos de oficios dende o Concello á Xunta de Galicia, reiterando información sen que se dera contestación por parte da administración autonómica.

    O 1 de marzo do 2020, a prensa publica unha noticia na que a Xunta aseguraba ter rematada a redacción do proxecto e, nesa mesma nova, a alcaldesa manifestaba a súa molestia por ter que coñecer a noticia a través dos medios de comunicación. Dous días despois, o 3 de marzo, remítese un novo oficio á Consellería, logo de ter coñecido pola prensa os avances do procedemento.

    Curiosamente, apunta a alcaldesa de Redondela, a Xunta segue a manter silencio e ao día seguinte, o exalcalde do PP publica nas súas redes sociais “a proposta da Axencia Galega de Infraestruturas de aprobar o proxecto construtivo” feito que segundo Digna Rivas, deixaba clara e sen discusión “a absoluta falta de respecto institucional da Xunta que trasladaba un expediente administrativo ao exalcalde do PP e, porén, non procedía a dar traslado do mesmo á administración interesada, o Concello de Redondela”.

    A partir de aí, as comunicacións á Consellería por parte do Concello son continuas, interesandose pola situación dun Convenio do que o Concello de Redondela aceptaba todas e cada unha das condicións que a Xunta enviaba, “incluída a retención de crédito na que se variaban as cantidades que, respecto ao borrador inicial, tería que achegar o Concello”, aclara Digna Rivas.

    Co fin de deixar clara a postura e compromiso do Goberno local, o 20 de novembro, despois de meses de oficios remitidos á Xunta moitos deles sen contestación de ningún tipo, o Concello remite á Xunta “a retención de crédito emitida pola intervención municipal”.

    A contestación da conselleira á pregunta do Grupo Parlamentario Socialista que o Goberno local non emitira a retención de crédito “que eles tiñan no seu poder dende hai mais de seis meses, é un insulto intolerable en calquera circunstancia, pero máis se quen o fai é a administración autonómica”.

    No seu afán culpar ao Goberno local de feitos tan falsos como infundados –asegura Digna Rivas– a consellería chega a asegurar que non poden garantir a existencia de crédito para realizar as obras previstas “debido ao contexto da actual crise sanitaria”. “É dicir, piden que fagamos unha retención de crédito e, cando a facemos, resulta que é a propia Xunta de Galicia a que non pode cumprir as condicións que a nós nos esixía”, di a alcaldesa.

    Para o Goberno redondelán, queda claro que a actitude da Xunta en todo este proceso “está moi ao marxe do que debe ser unha relación interadministrativa e que as continuas faltas de respecto  ou os continuos desplantes realizados á Alcaldía, non son máis que unha mostra do partidismo dunha Xunta de Galicia que boicotea, sistemáticamente, ao Concello de Redondela”.

    En todo caso, o Goberno local chama a atención sobre “o silencio cómplice” do PP de Redondela que “que logo de esixir que o Concello cumprira os trámites, cando se decatou que a culpa era dos seus compañeiros en Santiago, mira para outro lado”.

    O Concello de Redondela lémbralle á Xunta que é “a administración autonómica e que, como tal, ten que actuar de forma obxectiva amosando o respecto institucional que merecen todos os concellos, independentemente da súa cor política”.

    COLABORACIÓNS

    Saliente de guardia

    El volumen de la canción y un discreto codazo de mi mujer me devolvieron a la realidad. El homenajeado sonreía frente a las velas encendidas de la tarta y los invitados entonaban el 'cumpleaños feliz'. Yo tenía la mirada perdida pero, tras el aviso, me incorporé a las últimas notas y al aplauso final.

    Entrevista a Carlos García Vaso

    Escribir sobre Azul y Negro es un orgullo, ya no solo por ser parte de la historia de nuestra música (¿Quién no recuerda las melodías / himnos que hicieron para varias Vueltas Ciclistas a España?) sino por que nunca fueron de divos y siempre estuvieron cerca de sus fans. Acaban de publicar nuevo disco (el Covid los volvió a unir a la formación original) y por tal motivo charlamos con Carlos.

    ¡Indultos!

    Hace unas semanas fue la época de los indultos. Por un lado, se indultaron a los "díscolos catalanes" que quisieron "separarse de la madre patria" para ocultar las vergüenzas de tantos años de corrupción ya que, si no no se entiende. Ni historia ni, sobre todo los datos económicos, lo sostienen por ningún lado.

    Xesús Constenla, «O peso do cerebro»

    Xesús Constenla xa nos ten acostumados a unha narrativa arriscada e alonxada de tópicos, o que non deixa de ser un aliciente para calquera lector. Agora, con «O peso do cerebro», mantense firme nesta liña de traballo para adentrarse no confuso mundo de don Honorio, un vello afectado de demencia senil que un día, aproveitando un despiste da súa neta, Paula, sae da casa e vaga sen rumbo pola cidade de Barco (doadamente identificable co Ferrol natal do autor), un espazo que, coma o protagonista, coñeceu mellores tempos.

    Colaboradores

    Alberto Aliaga Sola
    12 POSTS0 COMMENTS
    Ángel Covelo
    6 POSTS0 COMMENTS
    Bea Sanfa
    4 POSTS0 COMMENTS
    Manrique Fernández
    44 POSTS0 COMMENTS
    Paz de la Peña
    34 POSTS0 COMMENTS
    Ricardo Canosa Bastos
    1 POSTS0 COMMENTS
    Roberto Mera
    2 POSTS0 COMMENTS