19 C
Pontevedra
Luns, 15 de Abril de 2024
Máis
    HomeComarcasRedondelaO Concello de Redondela inicia as obras de mellora da estrada de...

    O Concello de Redondela inicia as obras de mellora da estrada de San Vicente de Trasmañó

    Os traballos contan cun investimento de 68. 862,12 euros (IVE incluído) e permitirán a mellora do firme e servizos básicos

    O Concello de Redondela vén de dar inicio ás obras de acondicionamento e mellora da estrada de San Vicente de Trasmañó. As obras, incluídas, dentro do Plan marco de mellora de camiños municipais de acceso a parcelas agrícolas, contarán cun investimento de 68.862,12 euros (IVE incluído), dos que a Xunta de Galicia achega, a través do Agader, 38.882 euros.

    Os traballos inclúen a mellora do firme con 2.826 metros cadrados de pavimentación asfáltica e o correspondente recalce de 21 tapas e 26 sumidoiros. Así mesmo, procederase ao estendido de 408 metros lineais de canalizacións de PVC para drenaxe e completaranse co correspondente marcado da sinalización horizontal.

    Tanto a alcaldesa Digna Rivas coma o concelleiro de Vías e Obras, Vicente Lamas, destacaron a importancia desta actuación “que da solución á veciñanza que tiña que desprazarse por unha estrada nun lamentable estado de conservación e que puña en risco a seguridade tanto de peóns como de vehículos”.

    A alcaldesa redondelá fixo especial fincapé na necesidade “de contar cunha rede viaria interna en condicións tanto para os desprazamentos dentro da parroquia como de comunicación cos demais puntos do municipio” xa que, engadiu, “son un elemento de extraordinaria importancia para a cohesión territorial de Redondela”.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.