12.8 C
Pontevedra
Venres, 30 de Setembro de 2022
Máis
    HomeComarcasRedondelaO Concello de Redondela colaborará cos centros escolares ante o reinicio do...

    O Concello de Redondela colaborará cos centros escolares ante o reinicio do curso en bacharelato

    Goberno local e equipas directivas dos institutos amosan as súas reticencias a retomar as clase “sen medidas que garantan totalmente a seguridade e saúde dos rapaces e rapazas”

    A alcaldesa de Redondela, Digna Rivas, mantivo esta semana unha reunión telemática coas equipas directivas dos centros escolares de Redondela, na que se puxo de manifesto “as reticencias que directivas e profesorado teñen ante un reinicio do curso sen antes garantir, ao cen por cen, a seguridade sanitaria tanto dos rapaces e rapazas coma dos e das docentes”, explicou a alcaldesa.

    Segundo unha comunicación da Xunta de Galicia, o vindeiro día 25 de maio, deberían retomarse as clases presenciais para o alumnado de 2º de bacharelato, nunha medida cualificada polo Goberno local redondelán como “ambigua” xa que deixa á elección dos alumnos e alumnas asistir ou non ás clases.

    A medida supón, para alcaldesa de Redondela, “unha maneira de eludir responsabilidades facéndoa recaer sobre os rapaces e rapazas”. No decurso da reunión, o Concello púxose á disposición dos institutos para colaborar no que precisasen “na medida das nosas posibilidades e asumindo competencias que son da propia Xunta de Galicia”.

    Así, o Concello colaboraría na limpeza dos centros escolares, “limpeza que non desinfección”, aclara a alcaldesa de Redondela, “porque para esa desinfección a fondo o Concello non ten os medios necesarios e, ademais, é unha competencia exclusiva da Consellería de Educación”.

    Tanto a alcaldesa como as e os directores dos centros escolares amosaron o seu escepticismo sobre o reinicio do curso escolar ao existir, sinalaron as dúas partes “incerteza na evolución da COVID-19 e, sobre todo, dúbidas á hora de garantir a saúde dos rapaces e rapazas” que, segundo Digna Rivas, “debe ser total e absoluta e a única prioridade por encima de calquera outra consideración”.

    Nese sentido a alcaldesa de Redondela é rotunda ao sinalar que o curso “non debería reiniciarse en tanto non se teña absolutamente garantida a seguridade do alumnado”.

    Digna Rivas chamou a atención sobre a “rapidez e efectividade” das medidas adoptadas pola Concellería de Ensino do Concello de Redondela que dirixe Olga García Ballesteros, nos centros que son da súa competencia, “aos que dende o primeiro momento dotóuselles de material desinfectante, luvas e máscaras de protección, para que o profesorado puidera seguir desenvolvendo o seu traballo”.

    Estas medidas, que mereceron a felicitación unánime da comunidade educativa, “contrastan co ‘pasotismo’ da Xunta de Galicia nos centros que lle competen” descargando nos concellos “esa responsabilidade, que non é nosa, pero que asumimos con gran esforzo porque a nosa primeira prioridade é a seguridade da nosa veciñanza”.

    Doutra banda a alcaldesa de Redondela adiantou que mantén “continuo contacto” co reitor da Universidade de Vigo de cara a que os rapaces e rapazas que teñen que facer as probas da ABAU (Avaliación de Bacharelato para o Acceso á Universidade) –a antiga Selectividade– as poidan realizar en Redondela.

    “Evitaríamos desa forma –explica Digna Rivas– que as nosas mozas e mozos e o alumnado de Soutomaior, teñan que desprazarse, co risco sanitario que neste momentos supón”, e poidan realizar as probas nunha instalación por determinar que, posiblemente, podería ser o pavillón de deportes, “no que se poderían garantir as condicións de espaciamento entre postos, desinfección e seguridade que serían desexables”, concluíu a rexedora local redondelá.

    COLABORACIÓNS

    Heterodoxos

    A editorial Galaxia vén de sacar do prelo unha nova colección que, baixo a denominación xenérica de «Heterodoxos», pretende darlle voz a autores ou obras que, polas súas peculiaridades, non teñen cabida dentro das coleccións habituais das editoriais.

    Teatro para nen@s

    Sempre fun dos que defenden a valía do teatro como asignatura en todos os niveis da educación. Polas súas evidentes compoñentes pedagóxicas e pola súa capacidade para aprender a expresarnos en público e a empatizar con outros, tan distintos de nós, merecería un espazo de honra no noso curriculo educativo. Por iso non quero deixar pasar o inicio do novo curso escolar sen facer un par de recomendacións de pezas teatrais dirixidas aos máis pequenos da casa.

    Ramón D. Veiga, «Zoom»

    En ocasións, a literatura xorde dun puro divertimento, dun simple xogo que alicerza a escrita e do que o autor ou autora se fai partícipe dende o inicio. Hai exemplos numerosos ao respecto, ás veces concibidos como simples exercicios de estilo, outras, como argalladas transgresoras coas que experimentar un xeito determinado de escribir. O que hoxe traemos a este espazo parece encaixar perfectamente nese prantexamento lúdico.

    ¡Galicia negra!

    En estos últimos días, mejor dicho ya semanas, estamos volviendo a la cruda realidad de ver a nuestra Galicia de nuevo ennegrecida por el humo y por los incendios. No es algo que nos pille de sorpresa, por desgracia ya es algo habitual desde hace muchos años aunque, este año, se ha adelantando en el tiempo, ya que lo que solía ocurrir principalmente a finales de verano, debido a la climatología de este año, ya está sucediendo en estos meses.

    Colaboradores

    Alberto Aliaga Sola
    20 POSTS0 COMMENTS
    Bea Sanfa
    14 POSTS0 COMMENTS
    Manrique Fernández
    69 POSTS0 COMMENTS
    Paz de la Peña
    40 POSTS0 COMMENTS
    Ricardo Canosa Bastos
    14 POSTS0 COMMENTS
    Roberto Mera
    4 POSTS0 COMMENTS
    Avatar
    1 POSTS0 COMMENTS