O Arealonga Fútbol Sala de Chapela, Redondela, vén de anunciar a apertura da inscrición para todas as súas categorías durante este mes de setembro, trámite que se pode realizar nos Pavillón de Deportes de Chapela ou no Pavillón de Cabeiro os martes e venres de 17 h a 19 horas.
As categorías con que conta este ano o Arealonga FS, tanto na categoría masculina coma feminina serán a de Senior, Xuvenil (2004, 2005 e 2006); Cadete (2007 e 2008); Infantil (2009 e 2010); Alevín (2011 e 2012); Benxamín (2013 e 2014); Prevenxamín (2015 e 2016) e biberón (2017 e 2018).
Todas e todos os inscritos en setembro serán agasallados cun pack de adestramento gratuíto e, para a categoría Biberón, a inscrición será gratuíta. As prazas son limitadas e as interesadas e interesados poderán realizar a proba de selección sen compromiso.
Amais de practicar o deporte de fútbol sala, o Arealonga FS ofrece a mozos e mozas, diversión en grupo, desenvolvemento funcional e psicomotriz e traballo técnico e didáctico. Para máis información, interesadas e interesados poden dirixirse ao teléfono 662 111 339
