A Ruleta da Sorte da Praza de Abastos de Redondela tivo unha gran acollida por parte da clientela, na que na mañá de onte repartironse centos de premios.
Ademais de artigos promocionais como paraugas, botellas ou mandís, a ruleta contou cos agasallos máis frescos do Nadal como: bacallau, pescada, rape, zamburiñas e moitos outros produtos frescos que pódense atopar no mercado, ademais de 20 vales de compra para seguir mercando durante estas datas na praza de abastos.
Ante o éxito da iniciativa, espérase poder repetir esta actividade e que ninguén se quede sen premio. Nos vindeiros días anunciarase a nova data na que se repetirá esta iniciativa promovida pola Asociación de Empresarios de Redondela en colaboración co Concello de Redondela.
Os establecementos da praza seguen da repartir boletos nos que se poden gañar tiradas na ruleta da sorte e entrar no sorteo de vales de compra.
As primeiras valoracións dos praceiros foron moi positivas e expresaron o seu desexo de repetir esta iniciativa en máis ocasións.