O Concello de Redondela transforma o parque de San Esteban de Negros, un espazo pensado para a vida social da veciñanza que inclúe instalacións infantís e para adultos.
A parcela onde se sitúa o parque, xunto á estrada N-555 e próximo ás rúas Camiño do Sapal e Camiño Costa Mouriño, atópase valada e delimitada por noiros de gran dimensión. Conta cunha superficie plana de 5.000 m², polo que o proxecto puido realizase con veriedade de zonas dedicadas ao recreo, tanto infantís como para os maiores.
Conta con 4 zonas definidas e diferenciadas polas súas instalacións. A zona infantil sitúase ao leste da parcela onde se realizou un acondicionamento do terreo para a construcción de instalacións de xogo combinado, carruseles, columpios e estructuras de diversas formas e variedades;
A zona de maiores sitúase ao sur da parcela onde se realizou un acondicionamento do terreo para o posterior recheo e estendido de area fina lavada, para depois instalar unha tirolesa de dous carrís con vistas dende a altura á natureza;
A zona deportiva sitúase ao oeste da parcela onde tamén se realizou un acondicionamento do terreo para posterior execución de soleira de formigón armado e a formación dunha pista deportiva polivalente con esquinas achafranadas de dimensións 24×12. Esta pista ten uso para moitos deportes, dende o patinaxe, ao baloncesto ou o fútbol.
Por último, a zona de descanso sitúase na parte central da parcela, aquí instalouse mobiliario como, bancos, 3 mesas de picnic con bancos de madeira de piñeiro, 2 mesas de parchís con catro asentos, 2 mesas de xadrez con dous asentos e 3 papeleiras coas súas cubetas.
