13.7 C
Pontevedra
Sábado, 18 de Maio de 2024
Máis
    HomeComarcasRedondelaAs obras do colexio de Chapela avanzan a bo ritmo

    As obras do colexio de Chapela avanzan a bo ritmo

    O alcalde de Redondela, Javier Bas, visitou na mañá de hoxe as obras do colexio de Chapela acompañado polo colectivo de das nais e pais de Chapela e representantes do centro educativo. Tal e como puideron comprobar, a estrutura do colexio está moi avanzada, e xa se poden recoñecer as distintas estancias que conformarán o novo centro de Chapela. O remate das obras está previsto para o verán.

    Tanto as nais e pais coma os representantes do colexio, coincidiron sinalar que “esperan iniciar o curso escolar 2019-2020 xa instalados no centro”. Marina Melón, secretaria e profesora no colexio de Chapela destacou “o avance que suporá para Chapela a posta en marcha desta nova infraestructura educativa, facendo realidade así unha reivindicación que se mantivo desatendida durante anos”. “Cumpliuse todo o que pedimos durante anos e iso é de agradecer”, sinalou.

    Xunto a Melón, visitaron as infraestructuras varias nais pertencentes ao colectivo das anpas de Chapela que amosaron o seu contento co novo colexio. “As melloras son moi importantes, gañamos en espazo, en calidade de vida para os pais e para os profesores. Gañamos todos despois de levar moitos anos loitando por un colexio axeitado”, sinalaron fontes das Anpas. Tanto o colectivo de pais como o representado a través da secretaria do colexio, Marina Melón, coincidiron ao destacar as boas infraestructuras que se están levando a cabo con este colexio: “Cando antes tiñamos unha aula para todo, agora imos ter un espazo para cada actividade”.

    O colexio contará cunha ampla zona de pistas deportivas, ximnasio interior, sala multiusos e biblioteca, entre outros. Pola súa banda, o alcalde, Javier Bas, sinalou que o Concello está satisfeito co avance das obras e que agarda que se cumpran os prazos. “A infancia e a educación son dúas prioridades para o Concello e este novo colexio e proba diso”, apuntou o rexedor local.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.