17.4 C
Pontevedra
Martes, 27 de Setembro de 2022
Máis
    HomeComarcasRedondelaAmelia Tiganus presenta en Redondela o cómic baseado na súa propia historia

    Amelia Tiganus presenta en Redondela o cómic baseado na súa propia historia

    A Asamblea Feminista Paxaretas organiza o acto de presentación do libro que vén de publicar a principal activista abolicionista da prostitución en España

    En sintonía coa proposta de abolición da prostitución, a Asemblea Feminista Paxaretas organiza a presentación do cómic que vén de publicar un dos rostros máis comprometidos contra a explotación sexual das mulleres e das crianzas, Amelia Tiganus. O acto terá lugar mañá mércores, 9 de xuño, a partir das 20 horas no Multiusos da Xunqueira de Redondela, será de balde e contará cun aforo limitado a 90 persoas.

    Neste libro, inspirado na propia historia desta activista e supervivente de trata, Amelia fai unha fonda análise do sistema prostitucional e repasa as formas de proceder dos proxenetas e dos puteiros, así como a escravitude á que son sometidas milleiros de mulleres neste país.

    O evento desenvolverase seguindo todas as medidas de seguridade fronte ao covid. Cabe destacar, que debido a este protocolo, foi preciso a reserva previa da butaca e na primeira semana, tras o seu anuncio, esgotáronse as entradas.

    A presentación deste cómic enmárcase no compromiso da Asemblea Feminista Paxaretas co movemento abolicionista da prostitución, ao entender que o comercio sexual supón a escravitude das mulleres e dos seus corpos baixo o látigo dun negocio de proxenetas co fin da explotación sexual, o cal vulnera os dereitos dos seres humanos.

    Amelia Tiganus é unha activista feminista, nada o 11 de marzo de 1984 en Galati, Rumanía. Vive no País Vasco, a súa xanela ao mundo dende a que puido reconstruír a súa vida e renacer despois de ser explotada sexualmente durante cinco años no Estado español.

    Publicou varios artigos de entre os cales destacan ‘A revolta das putas’ e ‘O traballo faravos libres’, e é formadora en varios cursos e talleres de sensibilización e prevención da prostitución e a violencia sexual, presenciais e en liña.

    Foi coordinadora en feminicidio.net durante tres anos e colabora con varias asociacións e ONG nacionais e internacionais. Así mesmo, recibiu varios premios e recoñecementos ao seu labor a prol dos dereitos humanos das mulleres e das nenas, entre os cales, no ano 2019, destaca o ‘Recoñecemento ao compromiso mostrado por lograr unha sociedade libre de violencia contra as mulleres’ entregado polo Ministerio de Igualdade e o Goberno de España.

    COLABORACIÓNS

    Heterodoxos

    A editorial Galaxia vén de sacar do prelo unha nova colección que, baixo a denominación xenérica de «Heterodoxos», pretende darlle voz a autores ou obras que, polas súas peculiaridades, non teñen cabida dentro das coleccións habituais das editoriais.

    Teatro para nen@s

    Sempre fun dos que defenden a valía do teatro como asignatura en todos os niveis da educación. Polas súas evidentes compoñentes pedagóxicas e pola súa capacidade para aprender a expresarnos en público e a empatizar con outros, tan distintos de nós, merecería un espazo de honra no noso curriculo educativo. Por iso non quero deixar pasar o inicio do novo curso escolar sen facer un par de recomendacións de pezas teatrais dirixidas aos máis pequenos da casa.

    Ramón D. Veiga, «Zoom»

    En ocasións, a literatura xorde dun puro divertimento, dun simple xogo que alicerza a escrita e do que o autor ou autora se fai partícipe dende o inicio. Hai exemplos numerosos ao respecto, ás veces concibidos como simples exercicios de estilo, outras, como argalladas transgresoras coas que experimentar un xeito determinado de escribir. O que hoxe traemos a este espazo parece encaixar perfectamente nese prantexamento lúdico.

    ¡Galicia negra!

    En estos últimos días, mejor dicho ya semanas, estamos volviendo a la cruda realidad de ver a nuestra Galicia de nuevo ennegrecida por el humo y por los incendios. No es algo que nos pille de sorpresa, por desgracia ya es algo habitual desde hace muchos años aunque, este año, se ha adelantando en el tiempo, ya que lo que solía ocurrir principalmente a finales de verano, debido a la climatología de este año, ya está sucediendo en estos meses.

    Colaboradores

    Alberto Aliaga Sola
    20 POSTS0 COMMENTS
    Bea Sanfa
    14 POSTS0 COMMENTS
    Manrique Fernández
    69 POSTS0 COMMENTS
    Paz de la Peña
    40 POSTS0 COMMENTS
    Ricardo Canosa Bastos
    14 POSTS0 COMMENTS
    Roberto Mera
    4 POSTS0 COMMENTS
    Avatar
    1 POSTS0 COMMENTS