O Servizo de Normalización Lingüística (SLN) do Concello de Redondela, dependente da concellería que xestiona a alcaldesa Digna Rivas, vén de ver referendado o seu traballo coa concesión dunha subvención de 6561,57 € da Secretaría Xeral de Política Lingüística da Xunta de Galicia, publicada no DOG do pasado 26 de xullo.
Con esta axuda, sinala a alcaldesa e concelleira de Normalización Lingüística, Digna Rivas, “ademais de reforzar e apoiar o mantemento deste servizo, a Xunta colaborará en proxectos de normalización impulsados dende Redondela”.
Neste sentido a alcaldesa subliñou as liñas de traballo que mantén abertas o SLN en materia de toponimia, recollida de memoria antropolóxica –incluída léxico, toponimia, fraseoloxía…– que se realiza coas persoas maiores ou o fomento do galego nos centros escolares.
