A Alameda de Castelao acollerá, ata o vindeiro 8 de outubro, unha exposición dedicada ao galego. Co título de “Orgullo da nosa lingua: o galego é un tesouro para compartir” ofrecerase un pequeno percorrido polas pecularidades e trazos de identidade do idioma e da súa evolución. A mosatra ten como obxectivo a promoción do galego entre todos os sectores da poboación poñendo en valor as moitas razóns que temos para sentir fachenda do noso idioma único.
A mostra consta de cinco grandes paneis nos cales se tratan cuestións como a riqueza toponímica de Galicia, a viveza do refraneiro popular ou as numerosas formas que temos para referirnos á choiva.
Ademais, a exposición contará coa presenza dunha persoa que guiará ao público detallando e explicando máis curiosidades do galego mediante xogos e dinámicas de participación. O público, por outra parte, poderá optar a premios escaneando o código QR que hai nos paneis.
Esta actividade forma parte do programa FalaRedes da Xunta de Galicia e no cal participa o Concello de Redondela dense o seu inicio.