O Concello de Salvaterra de Miño retoma este ano os cursos de natación de verán na piscina municipal da vila.
Tras anos sen poder realizar os cursos, este ano retómase a actividade en colaboración, coa Asociación Deportiva Salvaterra.
Os cursos impartiranse durante todo o mes de xullo e agosto de martes a venres, en horario de mañá, en diferentes franxas horarias dependendo da idade:
- De 10:00 a 11:00 horas ou de 11:00 a 12:00 horas, nados entre 2007 e 2015
- De 12:00 a 13:00 horas ou de 13:00 a 14:00 horas, nados entre 2016 e 2019
- De 14:00 a 15:00 horas, nados antes de 2006 (grupo adulto)
O prazo de inscrición estará aberto ata o 23 de xuño, para matricularse é necesario cubrir a folla de inscrición e enviala ao correo adasalvaterra@yahoo.es. O prezo da matrícula para un mes completo é de 35 € para os nenos e de 40 € para o grupo dos adultos.
O pago para o curso de xullo poderá facerse ata o 28 de xuño para o curso de xullo e ata o 27 de xullo para participar no de agosto. O número de prazas é limitado e adxudicaranse por orde de solicitude.
