15 C
Pontevedra
Martes, 23 de Abril de 2024
Máis
    HomeO CondadoSalvaterra de MiñoSalvaterra mellora a pavimentación en Bugallar e Cernadas, na parroquia de Lira

    Salvaterra mellora a pavimentación en Bugallar e Cernadas, na parroquia de Lira

    O Concello de Salvaterra de Miño iniciou, este pasado venres, as obras de mellora da pavimentación en Bugallar e Cernadas, na parroquia de Lira. Trátase de dous camiños de titularidade municipal que se atopan actualmente nun avanzado estado de deterioro, polo que se fará una renovación completa da capa de rodadura.

    Para a pavimentación definitiva estenderase e compactarase unha capa de rodadura de mestura bituminosa en quente tipo AC 16 Surf 50/70 D.

    Coas obras que se expoñen neste proxecto, explica a alcaldesa de Salvaterra, Marta Valcárcel, preténdese mellorar o servizo que ofrecen os camiños, xa que son viais moi empregados polos veciños e veciñas da zona.

    Por un lado executarase unha limpeza de marxes coa apertura de cunetas ao longo dos 388 metros de actuación e seguidamente estenderase e compactarase unha capa de 5 cm de espesos de mestura bituminosa nun total de 1.320,65 m2. Establecéndose un prazo de execución das obras dun mes, de acordo co programa de traballos establecido.

    O presuposto para a execución desta obra ascende á cantidade de 20.434,40 €, que O Concello de Salvaterra de Miño levará a cabo a través do Plan Concellos da Deputación de Pontevedra.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.