7.9 C
Pontevedra
Venres, 29 de Marzo de 2024
Máis
    HomeO CondadoSalvaterra de MiñoSalvaterra de Miño presenta a súa programación 'Verán Cultural 2021'

    Salvaterra de Miño presenta a súa programación ‘Verán Cultural 2021’

    A acaldesa de Salvaterra de Miño ven de facer pública a programación que se deseñou por parte do Concello para o mes de agosto, unha programación axustada aos protocolos COVID, baixo o lema ‘Un agosto diferente pero seguro en Salvaterra’.

    Marta Valcárcel lembra que non se pode esquecer “que seguimos nunha situación sanitaria complicada, un ano máis diferente pero onde primamos a seguridade, onde o compromiso coa cultura non podía faltar, adaptando a programación á nova situación que estamos a vivir, unha programación diferente á que estamos acostumados, pero que segue na mesma liña de traballo”.

    Dende o Concello traballouse arreo para ofrecer unha programación “variada e con toda a seguridade que esixe da nova normalidade, unha programación feita e pensada para gozar en familia”.

    Cinema,  teatro, deporte e música terán ou seu espazo, utilizando como lugar central a Praza do Concello, ubicación que permite delimitar e ter un control estrito de aforo. Ademais como medidas de seguridade, o público deberá asistir cunha hora de antelación para aplicar as medidas do protocolo, desinfección de mans, ocupar as cadeiras asignadas, acudir con máscara e os nenos e nenas sempre estarán acompañados dun adulto. Como tódolos anos a Festa do Viño do Condado do Tea, será a encargada de pechar a programación.

    Verán Cultural 2021

    • Venres 6 de agosto.
      • Cine Infantil ‘As mascotas da Raíña’.
    • Sábado 7 de agosto.
      • Concerto da Banda de Música Popular de Tui.
    • Domingo 8 de agosto.
      • Ruta deportiva, roteiro máis kaiak.
    • Martes 10 agosto.
      • Festividade de San Lourenzo. Concerto da Banda de Música de Salvaterra de Miño.
    • Xoves 12 de agosto
      • Cine na rúa ‘Queen’.
    • Venres 13 de agosto.
      • Cine na rúa ‘Perdendo o este’.
    • Sábado 14 de agosto.
      • Concerto de Erea Castro.
    • Xoves 19 de agosto.
      • Concerto infantil ‘Pakolas.’
    • Venres 20 de agosto.
      • Cine infantil. ‘O neno que puido ser rei’
    • Sábado 21 de agosto.
      • L Descenso Internacional  e concerto de Néstor Antonio Barros e Ialma
    • Xoves 26 de agosto.
      • Teatro Comedia Fulano, Mengano e Citano.
    • Venres 27, sábado 28 e domingo 29 de agosto.
      • LXII Festa do Viño do Condado do Tea – Túnel do Viño, visitas ás adegas e catas comentadas.
      • Concerto Banda Crebinsky.
    • Sábado 28
      • Concerto Susana Seivane.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.