Baixo o lema ‘Salvaterra de Mińo un lugar para disfrutar, un lugar para vivir’, o Concello de Salvaterra de Miño presentou a súa nova páxina web de turismo concibida como espazo dinámico, sinxelo e moi intuitivo. A web www.turismo.concellodesalvaterra.org busca “ser un escaparate máis de todos os recursos que ofrece este Concello do Sur de Pontevedra, elaborada polo propio persoal da administración local”, explica a alcaldesa Marta Valcárcel.
A alcaldesa salvaterrense chama a atención sobre o feito de que Salvaterra “é unha das zonas máis visitadas do sur de Pontevedra” engadindo que “só o Parque público A Canuda atrae a miles de visitantes durante todo o ano; unido aos máis de 30km de sendas verdes polos diferentes ríos do Concello, ao Recinto amurallado, o Museo da Ciencia do Vińo, a propia maxia que conleva ser unha Vila transfronteiriza e ao Espazo Termal Lúdico de Teans fan que Salvaterra de Miño non sexa soamente un Concello estratéxico en termos de turismo, senón que sexa un dos Concellos que máis medra de toda a contorna”.
Doutra banda, apunta Valcárcel, “a ubicación estratéxica, o seu clima e a súa calidade de vida fan que día a día sexan máis persoas as que veńen a vivir a este municipio da raia”.
A páxina está dividida en tres grandes bloques: Ven, cońece e visita, onde se presentan todos os recursos, a riqueza cultural, histórica e patrimonial, ademais de dar a cońecer os lugares onde durmir e gozar dunha esmerada gastronomía.
