14.4 C
Pontevedra
Martes, 29 de Novembro de 2022
Máis
    HomeO CondadoSalvaterra de MiñoSalvaterra de Miño adxudica o contrato do Servizo de Axuda no Fogar

    Salvaterra de Miño adxudica o contrato do Servizo de Axuda no Fogar

    A alcaldesa de Salvaterra, Marta Valcárcel, vén de asinar o novo contrato do Servizo de Axuda no Fogar (SAF) para os próximos catro anos coa empresa Idades, S.L. por un importe de 1.711.584,00 €, entre SAF dependencia e SAF  básico.

    O Concello de Salvaterra é dos poucos Concellos no Sur de Pontevedra que está medrando en poboación. Conta cun elevado número de mozos e mozas e nos últimos tres anos naceron no municipio máis de 250 nenos.

    Pero, como explica a alcaldesa Marta Valcárcel, “tamén é verdade que existe un número elevado de persoas maiores, en moitos casos dependentes que necesitan axuda para o seu día a día, e nese eido existe o Servicio de Axuda no Fogar que nestes intres ofrece preto de 2.700 horas ao mes, entre dependencia e libre concurrencia, coa que se atenden a 65 usuarios”.

    O SAF ten por obxecto prestar atención ás persoas ou familias no seu domicilio, desde unha perspectiva integral e normalizadora, para facilitar o seu desenvolvemento persoal e a permanencia no seu medio habitual, especialmente naquelas situacións en que teñan limitada a súa autonomía ou noutras situacións de risco social para as cales resulte un recurso idóneo.

    A este servizo acceden as persoas que teñan recoñecido este dereito a través do sistema de atención á dependencia ou ben, na modalidade de libre concorrencia, aquelas persoas para as que resulte un recurso idóneo, de acordo coa valoración técnica correspondente.

    Os principais obxectivos do SAF son  mellorar a calidade de vida das persoas usuarias, posibilitar a permanencia das persoas no seu contorno de convivencia habitual, favorecer e potenciar a autonomía persoal no propio domicilio, previr situación de dependencia ou exclusión e retardar ou evitar a institucionalización.

    A empresa Idades subrogará ás 31 auxiliares que traballaban no SAF coa anterior empresa

    COLABORACIÓNS

    Alba Guzmán Falcón, «Xoaniña de Deus»

    Alba Guzmán era, ata o de agora, unha autora practicamente descoñecida para o gran público, a pesar de contar no seu haber cunha morea de premios en certames de poesía e tamén de narrativa.

    Henrique Dacosta, «O estraño caso da bicicleta amarela»

    Henrique Dacosta vén de entregar ao prelo unha nova proposta narrativa. E digo “narrativa” e non digo ben, pois este volume, «O estraño caso da bicicleta amarela», leva o clarificador subtítulo de «Oito contos e unha traxicomedia» e tal é o contido da obra: oito relatos breves de extensión variable e unha pequena peza teatral, a primeira da que teñamos constancia e da que falaremos máis adiante.

    Xavier Queipo, «Algoritmos»

    «Algoritmos» é un libro sorprendente, algo que, vindo de Xavier Queipo, xa deixou de ser unha novidade. Non estamos a falar dunha novela, nin sequera dunha colección de contos, senón de algo diferente.

    Visión a corto plazo

    Estos días, hablando con varios amigos sobre la situación global del mundo, pues caímos en la conclusión de algo que salta a la vista, pero que nos olvidamos continuamente, la falta de visión a largo plazo de nuestros políticos.

    Colaboradores

    Alberto Aliaga Sola
    20 POSTS0 COMMENTS
    Bea Sanfa
    14 POSTS0 COMMENTS
    Manrique Fernández
    73 POSTS0 COMMENTS
    Paz de la Peña
    40 POSTS0 COMMENTS
    Ricardo Canosa Bastos
    14 POSTS0 COMMENTS
    Roberto Mera
    5 POSTS0 COMMENTS
    Avatar
    1 POSTS0 COMMENTS